Papa husu atu reza ba vítima sira hosi atentadu iha Burkina Faso no Indonézia

Papa Francisco horisehik husu atu halo orasaun ba vítima sira hosi atentadu foin lalais iha Indonézia no iha Burkina Faso no husu empeñu ba komunidade internasionál hodi konstroi dame

Pedidu ne’e halo hafoin selebrasaun Angelus bainhira foti liman hosi janela palásiu pontifísiu ba ema barak iha Praça de S. Pedro.

"Hein katak Aman Maromak simu sira iha nia um ", nia refere ba vítima sira iha atentadu, no husu mós ba komunidade internasionál atu hari’i dame.

Ema na’in ualu mate iha atentadu iha Jakarta no atentadu terrorista iha Burkina Faso hamate ema na’in 29, entre sira ne’e na’in ida sidadaun portugés, emigrante iha Fransa.

SAPO TL ho Lusa