Vizita knua STL, Horta Konsidera Investimentu Media Hasoru Problema

DILI - Eis prezidente Republika, Nomeadu Nobel ba Paz Jose Ramos Horta halao vizita iha knua Suara Timor Lorosae Corporation, konsidera investimentu iha area media nian susar teb-tebes tamba hasoru dezafiu barak, tamba esperensia barak akontese iha nasaun dezemvolvimdu sira.

Vizita Eis Prezidente republika Jose Ramos Horta iha knua STL Surikmas simu direta husi Chairman and CEO, Salvador Januario Ximenes Soares, akompaina husi Maneger news Armandina Moniz, EDTIOR Senior Mikael Mali Mau, Gaudencio Mau, Manejer Online Josefa parade no Jornalista tomak iha STL.

Iha dada lia ho Jornalista sira, Eis Sekretariu Jeral onu ba Guene Bissau hatete   investimentu iha media rai barak hasoru susar teb-tebes tamba hari media hanesan jornal rediu, televizaun nee nasaun barak mak hasoru problema no monu.

Investimentu iha area media rai barak mos hasoru problema tamba iha difikuldade bar-barak, Rai balun jornal tradisional nafatin deit maibe agora teknolizia makas hanesan asesu ba internet,” dehan Horta wainhira koalia ho Jornalista sira Iha salaun redasaun STL, Tersa (09/02/2016) iha Knua STL, Fatumeta Surikmas.

Nia hatete oras nee Mundu teknolozia mos makas hanesan internet hodi ema asesu ba informasaun, tamba nee dezafiu boot ba ejeistensia jornal, tamba teknologia mos makas maibe ema sei lee nafatin jornal.

Iha vizita nee Horta mos Konsege konta ninia esperensia wainhira halao knar iha rai liur nomos komentariu ba lei eleitora foun neebe taka dalan ba partidu foun sira, tamba partidu tuan diak ona.

Horta mos fo komentariu ba politiku timor oan sira atu kontinua hametin pas no dame iha elisaun zeral 2017. Nunee mos nia hatete folin mina mundial neebe tun tamba nee governu preszia konvida sosiedade sivil hodi halo availasaun ba konstruksaun estadu no nasaun.

Horta mos iha ninia lian menon ba STL atu labele hatudu simpatia ba ema politika sira, maibe oinsa STL bele sai jornal nebee independent. Informasaun kompletu iha STL Jornal no STL Web, edisaun Kuarta (10/2/2016). Timotio Gusmao/Thomas Sanches

Suara Timor Lorosae