Redus Dezempregu, Governu Tenki Loke Investimentu

DILI - Atu redus Dezempregu neebe oras nee sae 11%, responsabilidade governu ninian tamba lakria Kampu servisu ba timor oan sira, hodi loke investimentu iha rai laran.

Tuir Deputadu Bankada Frente Mudansa Jorge Teme katak dezempregau iha Timor Leste sae tamba kriasaun kampu servisu mak menus, maske Timor Leste kada tinan estudante remata sira nia estudu iha Nivel universidade Barak.

Atu hamenus dezempregu responsabilidade prinsipal iha nasaun ida governu mak tenki halo ona lei neebe mak nakloke ba ba investimentu husi rai liur ho lei neebe orienta fo servisu ba Timor oan,” dehan Jorge ba Jornalista Sesta (11/03/2016) iha Parlamentu Nasional.

Hatan kona ba dezemprezu Intelektual kontinua barak, Jorge hatete estudante intelektual sira tenki kria kampu servisu ba aan rasik, maske situasaun iha Timor Leste la fasil neebe depende mos kapasidade umanu.

Iha fatin hanesan Deputadu Paulino Montero hatete seitor privadu sira seidauk halo esforsu masimu, tamba nee maka numeru dezempregu aas iha rai laran, maske Governu kria ona mekanismu oin-oin atu haruka Timor oan sira ba servisu iha ema nia rai, maibe tinan bain loron numeru nee nafatin aas.

Iha fatin ketak Vice Prezidente CCI-TL Rui Castro hatete hare ba osan estadu ho numeru nebe boot, no 40% nee liu husi prokurament ba iha emprejariu no emprezariu ba tutan fali banku, no 40% ba seitor privadu hodi rai iha Banku nee kuaze laiha. Informasaun kompletu iha STL Jornal no STL Web, edisaun Sabado (12/3/2016). Timotio Gusmao

Suara Timor Lorosae