TENKE KONTROLA EMA FUMA IHA KARETA LARAN

Desizaun Governu bandu ema hotu ne’ebe iha kareta laran labele fuma sigaru, maibe realidade to’o ohin loron kontinua fuma, tanba ne’e Governu liu husi instituisaun kompetenti tenke kontrola.

Realidade hatudu kondutores mikrolet, sofer Taxi inklui pasajeirus sei kontinua fuma iha kareta laran no fatin publiku sira seluk persiza atensaun masimu hodi prevene moras.

“Nudar pasajeirus ha’u lamenta tebes ho atetuti kondutor nian inklui pasazeirus balun ne’ebe kontinua fuma iha kareta laran, tanba bele fo impaktu no moras ba ema ne’ebe la fuma ho nune’e persiza kontrolu husi polisia atu nune’e bele hapara hahalok a’at refere,”hateten Lindalva da Silva nudar pasajzeirus ba JN-Diario iha Mandarin, Dili, Segunda (07/03/2016).

Iha sorin seluk Zelia Martins, nudar komunidade Colmera lamenta ho hahalok refere, tanba ema ne’ebe fuma fo fali impaktu ba ema seluk i maioria ema sei kontinua fuma iha fatin publiku liu-liu iha kareta laran.

“Ho nune’e husu ba Ministeriu kompetente liu-liu polisia atu bele halo kontrolu iha fatin publiku no kareta laran atu nune’e ema tauk no labele fuma tan iha fatin publiku sira i karik bele fo sansaun ba ema ne’ebe la kumpri,”dehan Zelia Martins. Ita

Jornal Nacional