DILI –
Australia fo ona resposta positivu ba governu Timor Leste konaba negosiasaun
fronteira maritime, entre pais rua nee wainhira TL lori kazu nee ba iha ONU.
Deklarasaun
nee fo sai husi Primeiru Ministru, Rui Maria de Araujo, ba jornalista sira iha
Palacio Governu, Sesta (06/05/2016).
Ita
mak hahu hatoo ba Australia katak hakarak tuir dalan neebe tuir direitu
internasional neebe determina ona no Australia mos responde ona no agora ita
tama iha prosidimentu sira nee hotu no ita sei iha fulan balu atu halao buat
sira nee tanba resposta husi Australia positive ona nee signifika katak ita
agora tama iha prosesu negosiasaun,” hatete PM Rui.
Xefi
Governu hatutan oras nee TL kontinua prepara nia argumentu tanba ONU sei forma
komisaun konsiliadores hamutuk ema nain 5 husi TL nomos Australia, no kontinua
prosesu maibe nia hatutan seidauk bele fo sai konsiliador nain 5 neebe mak sei
reprejenta TL hasoru Australia.
Iha
fatin ketak tuir membru Movimentu Kontra Okupasaun Tasi Timor, Aquino Freitas,
mos hatete katak hanesan sidadaun Timor oan pronto nafatin atu defende governu
TL, hodi luta ba direitu TL nian liu-liu konaba fronteira maritime ho
Australia.
Entertantu
Prezidente Antigus Alunus Salesino Dom Bosco, Agustino do santos Gonsalves,
hatete Timor Leste iha ninia direitu tomak ba fronteira maritime tanba wainhira
laiha fronteira maritime maka TL seidauk ukun an 100%. Informasaun kompletu iha
STL Jornal no STL Web, edisaun Sabado (7/5/2016). Thomas Sanches
Suara Timor Lorosae
Sem comentários:
Enviar um comentário