ONU husu ba governu atu apoiu «papel krusiál» família nian iha sosiedade

Sekretáriu-jeral ONU, Ban Ki-moon, iha ohin husu ba governu iha mundu tomak atu  apoiu papel "krusiál" família nian iha sosiedade.

"Família sempre iha primeira liña hosi ita nia esforsu ba iha prátika ida brani no inkluzivu iha  ajenda foun ba dezenvolvimentu, ne’ebé  garante vida ida saudável no bem-estar ba ema idade iha hotu ", haktuir sekretáriu-jerál ONU liuhosi mensajen ne’ebé fó sai iha selebrasaun ba Loron Internasionál Família nian.

Ban Ki-moon refere moos katak  polítika orienta ba família kontribui atu alkansa objetivu balun iha dezenvolvimentu sustentável no halakon kiak no hamlaha.

Permite moos atu bele garante " vida ida saudável, asegura edukasaun ba ema hotu no atinje igualdade género".

Líder ONU ne’e hatutan tan katak loron ne’e, ba família barak ne’ebé  sei moris iha "tempu ida susar" tamba estremizmu violentu ne’ebé mosu fila fali, iha efeitu deslokasaun obrigatóriu no fenómenu  meteorolójiku ne’ebé aas tebes.

"Maski iha sosiedade  ne’ebé  estável, família sira sei luta nafatin  kontra  violénsia, disriminasaun no kiak", nia hatete.

Loron  Internasionál ba Família deklara ona iha 1993 hosi Assembleia-Jeral ONU hodi promove konsiensializasaun no koñesimentu di’ak iha prosesu sosiál, ekonómiku no demográfiku ne’ebé  afeta area ne’e iha sosiedade.

SAPO TL ho Diário Digital ho Lusa