Klibur
Estudante no Joventude Tapo/Memo-Oan (KLEJOTAMO), Posto Administrativo Maliana,
Munisipiu Bobonaro, ejiji ba tékniku Rádio e Televisão de Timor-Leste (RTTL),
atu hadia kanal televisão iha munisipiu refere, tamba durante fulan ida nia
laran sira la akompaiña jogu Copa EURO ne’ebé realize iha França no notisia
importante iha rai laran.
Porta-voz
KLEJOTAMO, Moisés Vicente haktuir katak, kanal RTTL nian la kobre to’o iha suco
no aldeia rural sira iha Munisipiu Bobonaro, no tinan ida ne’e, jogu Copa EURO
iha França, komunidade Tapo/Memo asesu fali iha signal ka kanal Nasaun China
nian liu husi venus parabola. No realidade ida ne’e akontese ona
duran tinan 5 nia laran, hahu husi Copa Mundial 2006, 2010, no Euro Cup 2012 no
2016, iha suco refere la hetan signal RTTL nian.
“Ami
Klibur Estudante no Joventude Tapo/Memo-Oan (KLEJOTAMO), Posto Administrativu
Maliana, Munisipiu Bobonaro nia observa durante ne’e katak, antena ka pemancar
ida uluk monta iha tempu Indonézia nian iha Maliana la kobre hotu iha suco balun
ne’ebé mak besik iha Posto Administrativo Maliana, Posto Administrativo
Lolotoe, Munisipiu Bobonaro”, esplika Porta-voz Moisés Vicente, wainhira
KLEJOTAMO hala’o komunikadu imprensa, Tersa (28/06/2016), iha Salaun Yayasan
HAK, Farol, Dili.
Em
relasaun ho problema refere, KLEJOTAMO hamutuk ho Suco Saburai no suco sira
seluk tan iha Munisipiu Bobonaro, hato’o ona sira nia rekomendasaun ba Prezidente
Rádio e Televisão de Timor-Leste (RTTL), Milena Soares Abrantes atu hare
lalais failansu sira ne’ebé akontese iha baze no la bele hare’e deit iha
kapital Dili nian.
Sira
husu ba ekipa tekniku RTTL nian hodi tun ba baze atu bele monitoriza fatin
ne’ebé mak la asesu hotu signal RTTL nian, atu nune’e iha futuru la bele
akontese tan failansu hanesan ne’e. Sira mós husu ba Secretário Estado
Comunicação Social, Nélio Issacatu haree asuntu ne’ebé mak sira kestiona iha
Posto Administrativo Maliana, Munisipiu Bobonaro, hodi bele hadia ho kualidade
liutan iha futuru oin mai. ias/Mj3.
Jornál
Diário Nacional, Loron Kinta-Feira, 30 de Juñu de 2016
Foto:
Komunikadu Imprensa, 28 Juñu 2016, iha Salaun Yayasan HAK, Farol, Dili.
Porta-voz KLEJOTAMO Moisés Vicente iha klaran lee hela ne’e. / Jornalista Rádio
Liberdade, Victoria M. Rodrigues
Sem comentários:
Enviar um comentário