Prevene Krize Finanseiru, Governu Tenki Diminui OJE

DILI (ANTIL) – Dekanu Fakuldade Ekonomia no Jestaun, Universidade Nasionál Timor Lorosa’e (UNTL), Fernando B. Anuno hateten, kauza fundu perolíferu tún iha trimestre ne’e governu ba tinan oin tenke diminui Orsamentu Jeral Estadu (OJE).

Dekanu esplika ba ANTIL iha Kampus Ekonomia Universidade Nasionál Timor Lolorsa’e, Kinta (4/08/16. “ Sé Governu la diminui mak previzaun ba tinan hirak mai sei difisíl ba orsamentu. Bele iha impaktu ba krize finanseira ita Timor-Leste,” nia dehan.

Nia dehan tan, tuir konseitu ekonomia, tranzisaun atu hetan lukru tenke presu define kuantidade. “ Se presu ladi’ak, produsaun hamenus. Tanba se prodúz mak presu ladi’ak, ita haree fali ba kustu no despeza ne’ebé empreza ne’e gasta. Empreza nia prinsípiu mak atu hetan lukru,” nia haktuir tan.

Ho situasuan situasaun ida-ne’e, Timor-Leste enfrenta hela empreza ne’ebé esplora nia mina iha Tasi Timór, bele hapara provizóriamente, tanba presu la justu iha merkadu globál.

Nia mós observa, fundu minarai ne’ebé tún hela de’it lori impaktu ba prosesu dezenvolvimentu, liuliu Governu planu ba infraestrutura bele hetan problema.

“Governu tenke diminui despeza ba atividade ne’ebé la fó retornu ba rendimentu nasionál. Labele gasta, hanesan uluk mina hetan folin di’ak,” nia hatutan.

Nia konkorda Governu nia hanoin atu halo diversifikasaun, ezemplu iha harii ona infraestrutura industria produsaun Serveza no masin. (*)