SALARIU BA MEDIKU SIRA, ATRIBUI IHA REJIME ESPESIAL

Salariu ba mediku jeral no espesialista sira ne’ebe halao knar iha instituisaun Estadu atribui iha rejime especial.

Prezidenti  Komisaun F Parlamentu Nasional (PN) ba asuntus  Saude, Edukasaun no Desportu, Virgilio Hornai, esplika katak, rejime espesial ne’e diferenti ho funsionariu publiku (FP), katak mediku sira nia estatutu diferenti dok ho FP sira  ho tratamentu salaria ida ne’ebe diferente.

“Agora kestaun maka sira nia dedikasaun barak konsentra liu ba servisu partikular, liu – liu iha klinika sira, ida ne’e maka hau hanoin problema nebe tenki haree oinsa maka dotor, infermeira, parteira sira nebe dedika an ona iha funsionalismu publiku, funsionalismu publiku labele halo knar, tamba ita hare permeiru sira labele ezerse deit iha sira nia tempo oras 8 tempo servisu, maibe iha mos situasaun extraordinariu, nebe laiha razaun katak sira nia salariu ne’e hanesan ho funsionariu publiku bai – bain,” esplika Deputadu Virgilio iha PN, Kuarta (03/08/2016), hodi responde ba preokupasaun salarial medikus sira nian.

Deputadu Virgilio Hornai mos lia tun dehan, iha rezime especial ne’e mos garante salarial diferente entre mediku jeral ho mediku espesialista sira.

“Agora kestaun maka ne’e sira halao knar hodi servi povu ou ho intensaun hakarak halibur rikeza, tamba se orienta ita nia profisaun buka osan deit ne’e ho ida ita hakarak dedikasaun tuir ita ida – ida nia profisaun, espesialidade ba Estadu, ba povu entaun, maka ne’e tenki rezerva ou mengesampingkan  interese privadu,”  esplika Virgilio Hornai.nes

Jornal Nacional