PM Husu Membru Governu Banati Tuir CCT

DILI (ANTIL) – PrimeiruMinistru (PM), Rui Maria de Araújo husu ba autoridade governu nian atu define polítika ne’ebé di’ak atu diversifika ekonomia ho foku ba produtu agríkola, tanba potensia bo’ot tebes.

“CCTdurante ne’e hala’o no hatudu ona dalan loos,tenke sai ezemplu baTimor tomak la’ós de’it ba setór privadu sira, maibé ba Governu atu haree polítika ida ne’ebé loos atu suporta inisiativa hanesan ne’e”, PM iha ninia diskursu ba lansamentu dahuluk kraviñu ho tonelada 50 ba Estadus Unidos Amerika no Europa iha Coperativa Café Timor (CCT) Bidau Akadiruhun Dili, Sesta, (5/8).

Nia dehan, CCT tenke sai ezemplu baTimor tomak. “Timor-oan tomak presiza rekoñeseida ne’e, ida-ne’e pasu estratéjiku ne’ebé halo atu ajuda Timor-Leste hahú tama ona iha prosesu diversifikasaun ekonomia Timor-Leste ninian hahú kedan ho kafé, tama ona iha kraviñu no tama tan buatseluk”, nia afirma.

Xefi Governu hatutan, kooperativa ida atu sosa produtu agrikultura hafoin halo ligasaun ho instituisaun internasionál sira hodi garante iha merkadu ida parasosa, ne’e la’ós servisu ida-ne’ebé fasil.

Oportunidade ne’e PM dezafia CCT atu halo nafatin esforsu hodi labele kontente ho buat ne’ebé hetan ona.

“Ha’u fiar katak ita-boot sira bele ho esperiénsia ne’eb éiha, kooperativa ne’ebé ita-boot sira harii sei marka diferensa boot liután iha ekonomia país ninian, maibé importante ekonomia família ninian ne’ebé ita-boot sira sosa produtu e mezmu tempu buka mós atu fó apoiu social ba sira”, dehan tan.

Embaixadora EUAiha TL, Karen Stanton dehan, loron ne’e importante ba TL no relasaun komérsiu ho EUA, tanba hafoin tinan 20 no dolar millaun 20 hosi EUA setór kafé ohinloron sai nu’udar Timór nia esportasaun ne’ebé benefisia agrikultór liu rihun 20 ho esportasaun tinan-tinan liu dolar millaun 15.

“Ami sente orgullu hodi haluan modelu parseria ida-ne’e  ho esportasaun dahluk kraviñu ba EUA no apoiu ne’ebé forte hosi Governu, liuliu MAP ne’ebé oferese rai no fasilidade viveiru ne’ebé sai hanesan aspetu xave ba abilidade projetu ne’e atu prodús viveiru no Esporta kraviñu”, haktenik iha nia diskursu.

Embaixadora sente orgullu ho kontinuasaun parseria entre governu EUA, negosiante sira EUA no TL.

“Ho esportasaun ida ne’e, ami sei ho orgullu hatete ba ami-nia maluk no família sira iha Amérika katak tulun ne’ebé sira fornese, ajuda ona TL hodi prodús kraviñu McCormick nian ne’ebé sira uza daudaun”, dehan tan.  (Jornalista : Maria Freitas/Editora Rita Almeida)