Taur Submete án Ba ”Julgamentu Morál”

DILI, (ANTIL) – Pároku Parókia Manatuto, Padre Martinho Gusmão orgullu ho desizaun Prezidente Repúblika, Taur Matan Ruak ne’ebé deklara ona nia rikusoin ba Tribunál Rekursu liuhosi nia espoza Isabel da Costa Ferreira, Tersa (6/9).

“Aktu deklara rikusoin ne’e hatudu duni “serious” hosi figura públiku ida,” dosente Institutu Superior Filozofia no Teolojia ne’e dehan ba ANTIL iha nia kna’ar fatin, Kuarta (7/9).

Tuir nia katak Prezidente Taur rasik maka submete ninia-án ba “julgamentu morál” públiku nian no karik líder hotu-hotu halo ida ne’e, signifika sériu duni nu’udar líder.

“Ne’e auto prevensaun ida. Taur koko atu fó hanoin beibeik nia án rasik hodi labele monu ba korupsaun no liu-liu Taur loke ninia án atu públiku bele halo “moral control” ba líder sira. Komisaun Antí Korupsaun (KAK) no Tribunál halo “legal control”,” Amu Martinho informa. (jornalista: Xisto Freitas; editor: Gantry Meilana)

Foto: Espoza Prezidenti Republika, Isabel da Costa Ferreira aprejenta dokumentu rikusoin ba Tribunal Rekursu, Tersa, (6/9). Foto espesial

Lee liu: http://antil.tl/prezidente-taur-deklara-tan-rikusoin-ba-tribunal-rekursu/