Malaysia-TL Kontinua Hametin Kooperasaun Seitor Privadu

DILI - Kooperasaun bilateral entre Timor Leste ho Malaysia laos iha governu deit, maibe iha mos area setor privadu no povu neebe oras nee sae makas.

Embaxadora Malaysia ba Timor Leste Chitra Devi V. Ramiah halao enkontru kortezia ho Vice Ministeru Negosiu Estranjeiru Roberto Soares, ho objeitvu haforsa kooperasaun bilateral entre nasaun Timor Leste no Malaysia.

Embaixadora Chitra Devi manifesta vontade governu Malaysia neebe hahu inisiu prosesu konstruksaun no konsolidasaun Estadu Timor Leste too ohin loron. Durante enkontru Malaysia reintera nia protidaun, hodi apoiu Timor Leste integra ba Asean no halo esforsu hodi bele asegura nafatin konsensus nasaun Asean nian, atu lori Timor nia adezaun sai realidade.

Remata Enkotru Vice Ministru Negosiu Estranjeiru Roberto Soares hatete kooperasaun entre Timor Leste ho Malaysia, durante nee laos entre governu ho governu deit.

Ita nia kooperasaun ho Malaysia laos deit entre governu ho governu deit maibe mos Seitor priovadu ho Seitor privadu no mos povu neebe volume Aumenta ba bei-beik,” dehan Roberto ba Jornalista (30/09/2016) iha Edifisiu Ministeriu Negosiu Estranjeiru Pantai Kelapa.

Iha fatin ketak observador Politika Carlos da Costa hatete Timor Leste nudar nasaun neebe mak soberanu hanesan nasaun seluk atu dezemvolve Aan presiza halo kooperasaun ho nasaun sira seluk. Informasaun kompletu iha STL Jornal no STL Web, edisaun Sabado (1/10/2016). Timotio Gusmao

Suara Timor Lorosae