Polisia
Nasional Timor-Leste (PNTL) liu husi Unidade Patruliamentu Fronteira (UPF)
kaptura joven (mane) ida ne’ebe lori ikan tama Timor-Leste liu dalan illegal
husi Indonesia.
Vise
Komandante Jeral PNTL, Komisariu Faustino da Costa, hateten suspeitu ne’e hetan
kedas prosesu investigasaun iha karantina fronteira Batugade, munisipiu
Bobonaro iha 17 setembru 2016.
Iha
rezultadu investigasaun, prova katak ikan sira ne’ebe suspeitu lori mai ne’e ho
objetivu atu fa’an iha Timor.
“Ikan
balde lubuk ida polisia sita hotu no investiga hodi konklui kedas prosesu
ne’e,” Komisariu Costa hateten.
Nia
dehan, mesmu area fronteira Timor nian luan tebes, maibe Polisia nafatin
kontinua hala’o nia knar ho efikas hodi implementa lei no orden ne’ebe iha.
Nia
mos promote, atu nafatin haforsa kontrolasaun ne’ebe masimu iha parte fronteira
hodi evita situasaun hirak ne’e, labele akontese bebeik iha future.
Iha
parte seluk Membru Parlamentu (MP) Anna Ribeiro dehan, sidadaun Indonezia ho
brani tama iha Timor ho illegamente hanesan ne’e signifika, sira hatene frakeza
balun iha fronteira.
“Sira
sente ita nia seguransa ne’e ladun ketat, ne’ebe sira tama mai sira la tauk,”
nia hateten.
Tanba
ne’e, nia husu ba PNTL atu haforte liu tan kontrolasaun iha baze, nune’e labele
akontese tan aktu refere.
Nia
dehan, lei kona ba asuntu ne’ebe legal no illegal regularmente hatuur klaru ona
iha lei, no polisia nudar orgaun ne’ebe tenke garantia lei ne’e nia
implementasaun.
The
Dili Weekly
Sem comentários:
Enviar um comentário