Partidu
Demokrátiku (PD), husu ba lideransa partidu polítiku sira hotu iha Timor Leste
(TL) atu evita manipulasaun iha eleisaun jeral 2017, li-liu manipulasaun votus.
Prezidenti
interinu Partidu Demokrátiku, Adriano do Nascimento hateten katak, eleisaun Prezidensial
ho Parlamentar 2017 ne’e, tenki la’o ho justu.
“Hanesan
Partidu polítiku ida, PD mós fó nia hanoin ba Prezidenti Repúblika, li-liu PD
husu para eleisaun oin mai hanesan, eleisaun Prezidensial no Parlamentar, tenki
eleisaun ida ne’ebé justu, eleisaun ida ne’ebé libre husi buat hot-hotu,” dehan
Adriano ba jornalista sira iha Palácio Prezidensial Nicolau Lobato Aitarak
Laran Díli, Tersa (13/12).
Adriano
espera katak, eleisaun oin mai ne’e, lider partidu hot-hotu konsiente katak,
tenki evita buat sira ne’e hotu, li-liu manipulasaun, atu nune’e demokrásia
bele la’o tuir povu nia hakarak.
“Eleisaun
ida ne’ebé mak tenki evita manipulasaun ba malu, no manipulasaun de votus,”
afirma Adriano.
Eis
Primeiru Vise Prezidenti Parlamentu Nasionál (PN) ne’e esklarese, PD nia
preokupasaun ba eleisaun ne’e mak labele iha manipulasaun, tanba manipulasaun
ne’e, iha oin barak.
“Manipulasaun
iha terrenu no manipulasaun iha office liu husi komputador. Manipulasaun iha
terenu ne’e, ezemplu iha sentru votasaun hatudu númeru ida, mai fali iha office
hatudu númeru seluk,” tenik nia.
Maibé
Adriano dehan, Partidu Demokrátiku espera katak, ida labele akontese ba
eleisaun 2017.
PD
mós espera katak, estabilidade no seguransa tenki di’ak, atu nune’e, TL bele
hatudu tan ba mundu katak, TL ne’e, demokrasia la’o duni, atu ema hot-hotu bele
fó nia votus, i hili nia vida.cos
Jornal
Nacional
Sem comentários:
Enviar um comentário