Dili,
(ANTIL) – Óspital Nasionál Guidu Valadares (ONGV) simu ona aimoruk iha
fulan médiu Outubru to’o Dezembru ho pursentu besik 85 hosi Servisu Aútonomu
Medikamentu Ekipamentu Saúde (SAMES).
“Aimoruk
hosi SAMES tama ona mai iha ONGV, aimoruk laiha ona problema atu atende
pasiente sira” Diretór Apoiu Diagnóstiku no Terapeútiku (DADT) iha ONGV,
Dr. Mendes Pinto SpB ba ANTIL iha nia servisu fatin, Bidaun Santana,
Kuarta (14/12)
Aimoruk
esensiál ne’ebé uza loron-loron mak antibiotika no analzetika, hanesan
parasetamol, ibuprofen, amoxilin, gotring, dramadol no seluk tan.
Tuir
Diretór DADT, aimoruk sira bainbain uza iha hotu ona. Maibé, aimoruk
espesialista sira hanesan atu atende pasiente sira espesifikadu mak balun
ladauk kompletu.
Tuir
loloos, aimoruk tama kada fulan. Maibe armazen ONGV la aguenta, entaun kada
fulan aimoruk tama iha semana dahuluk, tuir órariu hosi SAMES.
Hafoin
simu aimoruk hosi SAMES, ONGV halo relatóriu iha fulan ikus ba Ministériu
Saúde, liuhosi Diresaun Nasionál Farmasia no Medikamentu kona-ba aimoruk hira
mak gasta ona, aimoruk sei falta hira no presiza atu husu tan hira.
Entretantu,
koalia kona-ba ekipamentu sira hosi ONGV, hanesan laboratoriu la’o di’ak hotu
ho uza vidru rua, hanesan teste kímika no ran kompletu. Alem ba laboratoriu,
iha mós radiolojia, RX, USG no seluk tan. (Jornalista : Zezito
Silva/Editór: Otelio Ote)
Foto:
Diretór Apoiu Diagnóstiku no Terapeútiku (DADT) iha ONGV, Dr. Mendes Pinto SpB. Foto ANTIL
Sem comentários:
Enviar um comentário