FETO SAI VITIMA, TANBA EKONOMIA

Veterana Ana Sinorina Alves da Silva hateten, kazu violensia hasoru feto a’as tanba ekonomia fraku no mos  dala barak ema ladun  preokupa ho  feto sira nia partisipasaun.

“Hau husu ba feto maluk sira tenke sevisu, feto tenke partisipa iha kualker eventu. Hau la aseita tanba oras ne’e dadaun feto sempre hasoru violensia,“informa veteranus Ana Sinoria Alves da Silva ba JN-Diario iha Palacio do Governu nia oin, Sabado (11/12).

Husu ba Governu oinsa maka bele hare tanba agora feto mos iha oportunidade no ba iha fatin ne’ebe deit feto sempre partispa, tanba ne’e husu ba joven feto sira tenke estuda maka’as

“Ita hare ba feto sira seidauk ha bantagen ne’ebe maka diak tanba maluk feton balun seidauk hetan servisu,hodi bele sustenta sira nia nesesidade uma laran ne’ebe maka loron loron presija” katak nia.

Hare ba sistuasaun iha ne’ebe deit feto sempre sai vitima, husu ba maluk feto sira labele lakon oportunidade atu aprende hodi bele dezemvolve rai doben Timor Leste ida ne’e.

Oras ne’e daduk violensia hasoru feto a’as, liu liu hare ba edukasaun husi inan aman ekonomia fraku no feto sira eskola mos la tuir inan aman nia hakarak.

“hodi nune’e ita hare ba parte ida mos tanba oan,  inan aman fila liman tun sa’e, no dala ruma sira fa’an sasan la folin ba sira tanba atu selu ba ona sira nia eskola.Tanba ne’e Governu waimhira Governu tenke tau atensun hodi nune’e feto sira labele vitima ba bebeik” tenik nia. Ety

Jornal Nacional