“Ita Hein MarVi F Surpreza iha Wildcard”

DILI - Kontestan Maria Victoria nia lian di’ak no barani atu hasoru dejafiu maibé tenke prepara-an didiak nune’e labele repete tan erru ne’ebé mak akontese iha faze top-9.

Durante komentatór no juri sira nia haree katak Maria Victoria nu’udar perola (mutiara) no fitun foun ba povu Timor Leste nian,  di’ak no iha talenta ne’ebé mak di’ak, nune’e presiza toma atensaun nafatin.

Tanba ne’e oportunidade wildcard hosi kontestante na’in 3 ne’ebé mak sai iha top 9 hanesan MarVi (Timor Leste), Duo Alfin (Indonézia) ho kontestante hosi Brunei Darussalam (Haswan) iha loron 19 to’o 20 dezembru, bainhira ih aprezenta loron rua ne’e Maria Vitoria iha oportunidade hodi hakat ba faze tuir mai.

“Wild card ne’e hasai hodi fó oportunidade ba sira ne’ebé iha potensia, Marvi termasukkontestan ne’ebé iha potensia bo’ot atu hakat ba finál, Vantanjen ba Marvi oinsá atu uza wild card ne’e hodi tampil(aprezenta) didiak, fokus, konfidente, importante liu mak labele haluha lirikka liafuan ho kanta fals tanba ne’e fatalba kualker kontestan iha D AA 2,” Anito Matos informa ba jornalista Timor Post liu hosi liña komunikasaun sosiál (facebook) horsehik (14/12).

Tanba ne’e bainhira iha loron 19 no 20 dezembru ninia aprezentasaun ho di’ak no kapás MarVi bele liu ona.

“Se tangal 19 nia fokus la haluha lirik la kanta fals ne nia bele liu ona,” Hatete, Anito Matos ne’ebé koñesidu ho Memy.

Wild card ne’e bele iha múzika iha desportu no iha kompetisaun ne’ebé deit atu fó oportunidade daruak ba kontestan bele kompete fali.

Evolusaun ne’ebé mak Marvi hetan, nu’udar artista senior iha Timor Leste, Anito Matos optimista boot ba fitun foun ka perola Timor Leste nian.

“Ha’u sempre optimista ba Marvi tanba, maske nia foin tinan 15 maibé nia espiritu kompetisaun ne’e bo’ot tebes nia nunka hakfodak ho nia adversáriu sira nia barani hasoru dezafiu, nia mós aprende lalais, lian furak vibrasaun, is naruk, improvisasi diak tebes.

“ita hein nia sei halo surpreza iha dia 19 ho 20, tanba ne’e agora ita hotu nia suporta hosi orasaun ba Marvi Diamante Timor Leste nian,” Anito Matos hatete.

Anito Matos haktuir katak, Nu’udar komentator, kna’ar mak koriji ka hadi’a kontestante sira banhira sira kanta hotu, nune’e para kuandu sira kanta fali bele hadi’a sira nia aprezentasaun hanesan artikulasaun, espresaun, dinámika, improvizasaun, hatais, koreografi, labele fals, labele haluha liafuan (lirik).

Maibé komentatór sira fó komentariu deit, la fó valor nune’e juri sira hosi nasaun 6 mak iha diretu tomak atu fó klasifikasaun ka valor ba kontestan sira tuir sira nia haree.

Esperiensia di’ak ne’ebé mak iha mak, durante ne’e organijadu tebes hosi komisaun responsabel sira hala’o breafing uluk hafoin aprezenta iha komentariu.

“Ida ne’e para halo ambiente ne’ebé maten ami tenke halo komik, halo finji istóri no diskute malu, goja malu. Maibé ami mós tenke servisu hamutuk ho host sira.

Tanba sai komentator ne’e tenki kolabora ho Host, Banda múzika ho sira ekipa kreativu para ambiente ne’e konsistente.

“Dala barak ema la komprende ami nia kna’ar hanoin dehan ami mak hakarak buka kontestan sira nia sala, hakarak hatun kontestan, ne’e laloos, ami nia kna’ar halo ambiente ne’e tenki rame,” Anito Matos haktuir.(uly)

Timor Post