Hari Partidu Manan Maka Bele Hetan Pensaun Vitalisia

DILI - Deputadu Domingos Carvalho de Araujo husi bankada CNRT, sadik sosiadade sivil sira atu hari partidu menan iha eleisaun jeral 2017, maka bele hetan pensaun nee.

Hakarak hetan vitalisia imi ba tama politika halo partidu hetan asentu iha Parlamentu Nasional maka bele pensaun vitalisia, ami nee laos atu hakmatek deit laiha, lei nee barak lahalimar para ami atu halo diskusaun,” dehan deputadu Domingos, ba STL, iha PN, Dili, Sesta (02/12/2016).

Nia dehan, antes deputadu sira nia mandatu hotu, lei pensaun vitalisia deputadu sira sei halo diskusaun, tanba nee husu ba publik liu liu sosidade sivil sira atu labele kestiona bebeik lei nee. Reprezentante povu nee afirma tan katak, lei pensaun vitalisia sira sempre foti iha komisaun A, maibe komisaun A dehan deputadu imi komisaun seluk labele mai intervein fai.

Iha fatin hanesan membru PN husi bankada PD Adriano do Nascimento hateten, lei importante ba nasaun ida nee lei lubun ida, liu liu lei tolu, pensaun vitalisia para hakotu polemika publik neebe PD fo ona nia projetu, I Fretilin fo ona nia projetu.

Entertantu Faustinho Soares hanesan porta vos Movimentu Universitairu Timor Leste hateten, sira hotu akompania prosesu revizaun ba lei nee, tama ona ba komisaun espesilizada, mesmu tinan nafatin tau orsamentu ba ida nee, tanba seidauk halo revizaun. Informasaun kompletu iha STL Jornal no STL Web, edisaun Sabado (3/12/2016). Carme Ximenes

Suara Timor Lorosae