Emilia Pires Lahatudu Nasionalismu Ba TL

DILI - Deklarasaun Eis Ministra Finansa (MF), Emilia Pires iha media sosial katak, nia laos sidadaun Timor Leste. Tanba nee Sosiedade sivil konsidera katak nia lahatudu nasionalismu ba TL.

Tuir Diretor Ezekutivu FONGTIL, Arsenio Pereira hatete, Eis Ministra Finansa, Emilia Pires lahatudu nia nasionalismu ba Timor Leste, tanba nia hakarak halo julgamentu iha Portugal.

Nia dehan halo fali julgamentu iha Portugal nee hatudu katak nix lahatudu nasionalismu ba Timor Leste,” dehan Arsenio ba jornalista iha Lecidere-Dili, wainhira partisipa seminariu nasional auditoria sosial, Sesta (02/12/2016).

Arsenio haktuir, uluk sira iha liur deit, depois mai iha TL hakarak aproveita tan fila fali hodi halai ses husi tribunal.

Iha fatin ketak, Obserervador Politika-UNTL, Camilio Ximenes Almeida dehan, konstituisaun hatete iha Timor Leste iha sidadania orijinal no adkeridu. Parese governante sira barak liu mak iha sidadania dupla.

Nunee mos, Dekanu Fakuldade Direito-UNDIL, Justino Sopalo Ximenes, konsidera kazu Emilia Pires sai problema nasional ba estadu Timor Leste, tanba nee presiza servisu hamutuk ho Interpol hodi halo kapturasaun. Informasaun kompletu iha STL Jornal no STL Web, edisaun Sabado (3/12/2016). Raimundo S. Fraga

Suara Timor Lorosae