Veteranus Kestiona Estadu Halo Tratamentu Saude La Igual

ILIOMAR - Veteranus suku Fuat postu Administrativu Iliomar, Lautem kestiona tratamentu saude neebe estadu atende ba sira, tamba iha suku Fuat veteranu nain haat mate laiha transporte hodi transporta sira neebe hetan moras.

Tuir Veteranus Suku Fuat Jose Pinto Koto Moruk katak Veteranus sira iha Suku Fuat nain hat mate, tamba laiha transporte hodi lori sira ba halo traramentu saude iha Sentru saude.

Ami nia problema mak ami moras atu ba hospital la iha transporte,iha  ami nia suku veteranu  4 mate ona tamba tranporte laiha, Hau hatoo lia menon ba Prezidente hodi hatoo  ba parlamentu kona ba problema neebe mak ami hasoru,” dehan Koto Moruk.

Nia hatete Veteranu sira kuandu hetan moras liu-liu iha area rural ladun hetan atensaun husi estadu hodi halo tratamentu saude, tamba nee husu ba governu atu prepara transporte ba veteran sira hodi lori ba hospital kuandu moras.

Iha fatin hanesan Paulino Pereira hatete laiha postu Saude tan nee lahatene hospital maske Timor Leste ukun aan durante tinan 14, maibe povu susar asesu ba Saude, tan nee husu estadu atu fo atensaun. Informasaun kompletu iha STL Jornal no STL Web, edisaun Sabado (3/12/2016). Timotio Gusmao

Suara Timor Lorosae