Kazu Mauk Moruk, Taur Lori Estadu Husu Deskulpa Ba Familia

SAELARI - Kazu Mauk Moruk, Prezidente Republika Taur Matan Ruak hodi povu no Estadu Timor Leste nia naran, husu deskulpa ba Familia Mauk Moruk tamba nudar aman nasaun lakonsege eveita fakar ran iha tempu ukun Aan.

Nia husu Deskulpa ba familia sira hotu  no inan aman sira  no husu husik ida nee ba historia no lao ba oin diak liu maks  laos lafasil  atu  aseita maibe husi neebe mak mai  Timor oan  la espera.

Hau lori estadu no nasaun nia naran husu deskulpa ba Familia hau nia maun Mauk Moruk nian tamba hanesan prezidente republika hau lakonsege eveita ita fakar ran tan dala ida iha ita nia rai,” dehan Taur liu husi Dialogu Komunitaria Sesta (02/11/2016) iha Sede Suku Saelari.

Iha fatin hanesan Xefi Suku Mateus Cardoso agradese ba Vizita Prezidente Republika Taur Matan Ruak, neebe halao vizita iha Suku Saelari, foti suku Saelari nudar vizita ikus durante dialogu Prezidente Republika nian iha Munisipiu Baucau.

Vizita Prezidente Republika Taur Matan Ruak hodi halo Dialogu ho povu suku Saelari konvidadu espesial mak hanesan Administrador Postu Adminisrtativu Liquisa Vila, Xefi Suku Oges, Postu Maucatar, Covalima, Xefi Suku Horai Kiik, Postu Administrativu Maubisse, Ainaro no Xefi suku Lesuata Manufahi inkliu mos Administrador Postu Laga, Prezidente Autoridade Munisipiu Baucau, Diretores Munisipiu Munisipiu Baucau no parte Seguransa no Defeza iha Baucau. Informasaun kompletu iha STL Jornal no STL Web, edisaun Sabado (3/12/2016). Timotio Gusmao

Suara Timor Lorosae