Ema Hotu Luta Independensia, Povu Barak Sei Terus, Ukun Nain Goza Ho PV

DILI – Luta ba independensia Timor Leste, ema hotu nia kontribuisaun tantu, labarik kiik boot no katuas, liman at, nia kontrubuisaun hotu, maibe povu kontinua terus no ukun nain sira mak kontinua goza ho Pensaun Vitalisia (PV).

Informasaun nee fo sai husi Observador Politika-UNTL, Julio Aparicio ba jornalista iha kampus lama-UNTL, Caicoli-Dili, Sesta (02/12/2016).

“Konaba lei pensaun vitalisia nee, membru parlamentu sira hanoin deit sira Nia-an, tanba povu barak neebe terus ba ukun an, ema hotu-hotu labarik kiik, boot no katuas, liman at, matan at, ema hotu kontrubuisaun ukun-an, ukun nain mak kontinua goza ho pensaun vitalisia,” dehan Julio.

Julio haktuir, povu barak rihun ba rihun sei moris terus hela, parlamentu sira luta ba sira nia pensaun vitalisia sira nia moris diak ba beik-beik Ida nee atu kria pensaun vitalisia, katak ema riku-riku ba beik-beik, ema moris diak-diak ba beik-beik Ida terus-terus ba beik-beik.

Iha fatin ketak Diretor FONGTIL, Arsenio Perreira dehan, Governu aloka osan 4 mil ba pensaun vitalisia nee tanba lei mak fo dalan tanba nee hakarak ka lakoi tenke aloka osan. Informasaun kompletu iha STL Jornal no STL Web, edisaun Sabado (3/12/2016). Raimundo S. Fraga

Suara Timor Lorosae