DILI,
(ANTIL) – Governu liuhosi Primeiru Ministru hatete, Timor-Leste (TL)
inklui nasaun sira seluk sei selebra loron feto internasionál iha aban
(8/3).
“Papél
maluk feto sira boot ba libertasaun Timor-Leste no kontinua nafatin kaer kna’ar
importante iha dezenvolvimentu sustentavél”, Xefi Governu iha ninia mensajen
liuhosi komunikadu ne’ebé ANTIL asesu, Tersa, (7/3).
Eis
ministru saúde ne’e rekoñese, sosiedade seidauk konsidera importansia hosi
igualdade jéneru. Hodi hatutan, loron ne’e presiza refleta ba mudansa papél iha
mundu servisu ohin loron.
Parte
husi tranzisaun ne’e, presiza harii nasaun ne’e nu’udar fatin ne’ebé espetasaun
ba feto no labarik feto sira atu partisipa iha moris públiku nian.
“Ita
hakarak atu kria sosiedade Timorense ida ne’ebé inkluzivu, involve membru
metade populasaun, feto maluk sira, hodi ativamente ho direitu hanesan,
partisipa iha merkadu traballu nian”, hateten.
Mensajen
ba loron aban, atu fasilita fortalesementu sosiál no mós ekonomia feto sira.
Bainhira sosiedade ne’ebé mak iha igualdade jéneru, sei halo nasaun ne’e
produtivu liu no prontu atu hasoru dezafiu harii Timor.
“Hamutuk
ita bele, ida ba hotu, hotu-hotu ba ida, feto no labarik feto, mane no labarik
mane, hamutuk halo ita nia rain ne’e 50:50 to’o 2030”, mensajen ne’e hakotu. (Jornalista:
Zezito Silva - Editora : Rita Almeida)
Sem comentários:
Enviar um comentário