Risku ba Fretilin Kuandu Halakon Orsamentu ZEEMS

DILI - Halakon pensaun vitalisa no halakon orsamentu ZEEMS ida nee maka komprimisiu politika partidu PLP ba povu iha kampanha. Sai risku ba Fretilin karik halakon Zeems no pensaun vitalisa iha posibilidade implementa programa governasaun.

Lia fuan hirak nee hato husi Sekertariu Jeral Conselu Nasional Juventude Timor Leste (CNJTL) Luis Mendes Ribeiro, ba STL iha nia knar fatin Farol Dili Segunda, (14/8/2017). Nia dehan tan katak tuir CNJTL nia predisaun katak depende Fretilin nia apoiu atu aseita PLP nia programa ba iha governasaun ka lae.

Tuir ami nia hare partidu PLP halakon pensaun vitalisa no zeems. Ida nee tuir Ami nia predisaun maka nee PLP nia komprimisiu politik karik ejensia nee tenki Fretilin aprova. Karik Taur Matan Ruak assume kargu PM bele aseita, zeeems bele halakon no pensaun vitalisa. Laos atu fo risku ba PLP maibe risku ba Fretilin,” nia dehan.

Agora depende Fretilin hakarak entrega pasta premeiru ministru ba PLP atu assume ga lale. Karik hetan apoiu maka bele halakon Zeems no pensaun vitalisa. Tamba ida nee Fretilin sei duvida oituan konaba programa nebe durantre nee hato ona ba povu liu husi kampanha nia laran sai hanesan komprimisiu politika.

Diretor Ezikutivu HAK Manuel Monteiro Fernandes dehan pozisaun HAK nia maka halakon korupsaun tamba povu hili atu sai reprejentante iha parlamentu nasional nee atu hadia povu nia moris laos, reprezentante povu sira maka hadia nia moris uluk.  Realidade hatudu ona ba eix titulares sira no subsidiu sira. 

Justinho Manuel | Suara Timor Lorosae