DILI,
(TATOLI) – Sidadaun Amante (Hadomi) Ba Pás ne’ebé kompostu hosi espoza eis
Prezidente Repúblika, Isabel da Costa Ferreira, ativista no relijioza sira husu
ba Xefe Estadu, Francisco Guterres Lú Olo atu toma kompeténsia tuir
konstituisaun ba formasaun governu foun.
“Ami
husu ba Prezidente Repúblika atu iha tempu sira ne’e uza nia kompeténsia atu
buka dalan alternativa ida di’ak ba formasaun governu tanba durante ne’e ita
akompaña prosesu katak seidauk iha serteja loloos ba formasaun governu”, dehan
Portavóz Grupu, Luís Oliveira Sampaio ba jornalista sira iha Palásiu Prezidente
Nicolau Lobato, Bairu Pité hafoin enkontru ho Prezidente Repúblika, Francisco
Guterres Lú Olo, ohin.
Nu’udar
sidadaun, nia informa, sira iha obrigasaun hato’o ba orgaun soberania sira atu
buka solusaun di’ak ba Nasaun ne’e no evita eleisaun antisipada.
“Ita
lakohi esperiénsia át sira ne’e repete hikas iha ita nia rai. Tanba ne’e, husu
ba nai ulun sira atu buka forma polítika ida ne’ebé maka di’ak ba formasaun
governu tuir mai”, sujere.
Prezidente
Repúblika hatan sei foti nia kompeténsia tuir Konstituisaun hodi kontinua
diálogu ka aprosima líder partidu polítiku sira atu hetan dalan adekuadu ba
opsaun sira formasaun governu nian.
Jornalista:
Xisto Freitas da Piedade | Editora: Rita Almeida
Foto:
Portavóz Grupu Amante ba Pás, Luís Oliveira Sampaio ba jornalista sira iha
Palásiu Prezidente Nicolau Lobato, Bairu Pité hafoin enkontru ho Prezidente
Repúblika, Francisco Guterres Lú Olo, ohin. Foto Tatoli/Xisto Freitas Piedade
Sem comentários:
Enviar um comentário