Kadeira PM, Fretilin Sei Lafo ba Partidu Seluk

DILI – Kadeira Primeiru Ministru (PM), Fretilin sei lafo ba partidu seluk atu asumi, bainhira Fretilin forma govermu ho modelu koligasaun.

Lia hirak nee hatoo husi Sekretariu Jeral Partidu Fretilin Mari Alkatiri ba jornalista sira hafoin remta enkontru ho Prezidente Republika Francisco Guterres Lú Olo, iha palsiu Prezidensial Bairo Pite, Segunda (14/8/2017).

Tuir Mari katak kargu Primeiru Ministru nia parte kolaia dala barak ona iha fatin fatin katak partidu vensedor maka sei asumi knar nudar Primeiru Ministru, sei la iha tan fali partidu seluk maka atu ajumi kargu Primeiru Ministru.

Hau dehan tiha ona fatin fatin katak kargu Primeiru Ministru nee mai husi partidu mais votadu no sei la iha tan partidu seluk maka sei asumi kargu refere, hau mos dehan ona katak laos hau maka sei sai Primeiru Ministru maibe partidu vensedor maka sei hatudu Primeiru Ministru” dehan Mari.

Nia dehan kona ba kadeira Primeiru Ministru nee rasik nia parte sei koalia abetamente liu husi enkontru ida neebe maka sei relaiza fali ho partidu PLP no KHUNTO, bainhira koalia kona ba substansial plataforma politika ba formasaun governu.

Maibe iha kestaun politika nee normal tamba politika nee iha momentu neebe mosu diversinsia oin-oin, maibe ida nee laos atu hirus malu, buka hasoru malu hodi resolve problema. 

Natalino Costa | Suara Timor Lorosae