Imprensa Nasionál Portugal Oferese Livru Kontentór Haat

DILI, (TATOLI) – Imprensa Nasionál Casa Moeda Portugal oferese livr kontentór haat ba Timor-Leste liuhosi Gabinete Apoiu Sosiedade Sivíl iha Gabinete Primeiru Ministru (GASC-PM).

“Hosi livru hirak ne’e konta ba osan karik ho valór Euro 617.964.08, enkuantu Imprensa Casa Moeda Portugal só oferese de’it mai Timor-Leste atu bele lé ho tipu livru hirak ne’e iha Timor laran tomak”, informa Asesora GASC-PM, Maria João Morais ba ajénsia Tatoli iha FONGTIL, Kaikoli, kinta (7/9).

Livru hamutuk 77,714 hanesan Istória Universidade Europa-Voli, Livru Jurídiku, Teatru, Relasaun Filozófika, Poesia Direitu no seluk tan ho tipu livru oioin.

Programa ida ne’e hetan suporta hosi FONGTIL, Fundasaun Haburas, Fundasaun Oriente, Embaixada Portugal no sei organiza atu distribui tinan ne’e ba ONG’S, Fundasaun Sentru Kultural, Universidade, Eskola, Kongregasaun no Unstituisaun Relijiaun sira seluk, Fundasaun AN-NUR, Igreja Protestante, Eskola Múzika, Biblioteka, AMRT, Arquivu Nasionál no seluk tan.

Doasaun ne’e akontese iha ámbitu parseria ne’ebé estabelese atu dezenvolve projetu hamutuk ho sosiedade sivíl, Governu (GASC-GPM) ho Imprensa Nasionál Casa Moeda Portugal.

Entretantu, lansamentu ba distribuisaun livru hirak ne’e sei akontese iha loron (12/9).

Enkuantu, sei iha mós atividade seluk relasiona ho parseria ida ne’e hodi distribui Premiu Literáriu Ruy Cinatti iha fulan-novembru.

Jornalista: Zezito Silva | Editora: Rita Almeida

Foto: Imprensa Nasionál Casa Moeda Portugal oferese livr kontentór haat ba Timor-Leste liuhosi Gabinete Apoiu Sosiedade Sivíl iha Gabinete Primeiru Ministru (GASC-PM).