quarta-feira, 21 de março de 2018

Australia Labele Ultrapasa Ba Fronteira

PARTILHAR

DILI - Australia labele ultrapasa ba Fronteira, tan deit kestaun soberania, tanba nee governu preokupa atu oinsa bele tau siguransa iha neeba.

Tuir Xefi Estadu Maior Jeneral F-FDTL, Maijor Jeneral  Lere Anan Timur hateten, sorumotu ho Prezidente da Republika koalia liu konaba siguransa ba Fronteira Maritima, neebe ohin loron mamuk hela, tanba laiha siguransa.

“Ita nia Prezidente hanesan supremiu forsa armadas nia preokupa, tanba nee tenke buka formas oinsa bele garante siguransa ba iha lina Fronteira, no ita iha ona kompenente naval ida neebe maka kiik no kondusaun material neebe fraku liu, atu asegura ba FM, no rua neebe mai husi Xina mantensaun laiha, tanba nee komesa aat dadauk ona,” informa Lere ba Jornalista bain hira hasoru malu ho Prezidente da Republika, iha Palaciu Prezidensial Bairru Pite, Dili, Kuarta, (21/03/2018).

Nia afirma liu tan, Roo neebe maka Australia atu fo ba TL nee too deit 2023, no roo nee tuir duni TL nia hakarak ka lae, tanba ema maka fo no TL hanesan nasaun soberanu konfia aan maka hodi ukun aan, tanba nee estadu ho governu tenke buka lalais dalan atu, rezolve siguransa ba Fronteira Maritima.

Iha parte seluk, Diretur ezekutivu Asosiasaun Hak, Manuel Monteiro katak, hanesan estadu ida neebe maka soberano tenke halo investimentu ho didiak, atu nunee bele asegura FM ho diak, tanba nee husu ba partidu politik sira atu halo planu neebe diak, haruka jovens sira neebe iha eskil atu estuda iha area maritima nian, no area teknolizia telekomunikasaun nian, nunee bele kontrola didiak riku soin sira neebe maka iha tasi laran. 

Notisia kompletu lee iha jornal edisaun Kinta, (22/03/2018)

Madalena Horta/Natalino Costa | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: