quarta-feira, 21 de março de 2018

Hernani: TL Sei Rekoila Dadus Greater Sunrise

PARTILHAR

DILI - Timor Leste seidauk iha intendimentu ida kona ba futuru tratadu neebe regula konaba Greater Sunrise, tamba Timor Leste sei kontinua rekoila dadus adisionais no kruzamentus informasoes antes atu hahu negosiasaun atividade ekonomia iha tasi timor.

Ministru Petroliu,Hernani Coelho hateten Timor Leste iha ninia tratadu rasik ona nebe asina ona iha dia 6 marsu 2018, maibe iha anexu b  nebe kolia kona future tratadu nebe regula kona ba Greater Sunrise, tamba  nee  Timor Leste mesmu iha ona FM maibe seidauk iha atendimentu ida kona ba negosiasaun atu hahu atividade ekonomia iha tasi timor.

“Mesmu ke Timor Leste iha nia tratadu rasik ona neebe asina ona iha dia 6 Marsu 2018, ate a data konaba negosiasaun atividades ekonomikas neebe sei halo iha tasi Timor Leste sei fazes seidauk iha intendimentu ida, tamba prosesu ida nee sei lao nafatin ba oin, Timor Leste sei hein  kontinua rekoila dadus adisionais, husi kruzamentu informasoes nebe TL iha alem de kontinua halo kontaktu ho kompania sira nebe bele sai alternativa ida nebe diak ba TL iha Futuru,” dehan Ministru Petroleu, Hernani ba Jornalista sira iha Dili, Mall Timor Plaza,ha foin asiste Serimonia asinatura karta intendimentu ba Fiu Submarinu Fibra Otika, Segunda (19/03/2018).

Iha termus fazeadamente ba investimentus mina no gas, purtantu bele hahu husi 20 too 2 Biliioes, no faze ida nee sira kompania kiik oan sira neebe intende atu halo servisu, sei halo fazeadamente.

Iha fatin seluk, antes nee Diretor NOGA (Northern Oil and Gas Australia, Pty.Limited) Angust Karrel hateten Kompania Australia hare Timor Leste nudar prospektu nebe diak atu servisu hamutuk, no kompania NOGA iha esperansa boot, karik iha tempu besik bele hahu ona ninia servisu iha area esplorasaun Mina no Gas. 

Maria Lay/Carme Ximenes | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: