Lucia Lobato Hamutuk Fali ona FRETILIN

MANUFAHI: Eis-Ministra Justisa, Lucia Lobato hamutuk fila-fali ona iha partidu istóriku FRETILIN hodi apoiu partidu ne’e atu bele ukun iha governasaun foun mai.

“Ha’u hamutuk fali ona ho partidu FRETILIN”, dehan Lucia, liu husi kampaña partidu FRETILIN nian, iha kampu Manufahi, Sábadu (14/4).

Nia hateten, bainhira nia kaer mikrofóne nia sente nervus, maibé nia kontente mós nia haree fatin kampu Manufahi nian ne’e nakonu ho koor mean.

Nia dehan, esperiensia kampaña PSD ema oituan de’it, maibé FRETILIN nian kampu Manufahi ne’e mean tan de’it.

Nia hatutan, liafuan badak ne’ebé nia fó ba Sekjer Alkatiri katak mai fó apoiu ba FRETILIN la’os atu husu fatin, tanba nia hakarak mai apoiu FRETILIN atu hetan vitoria iha eleisaun antesipada ne’e.

“Tanba ne’e, ha’u hakarak bolu fatin tolu hanesan Fatuberliu, Betano no Alas, tanba ha’u servisu ho sira besik tinan rua halo natar ami mate didi’ak, bee laiha, estrada laiha, hare la sae, tanba ne’e makaa ha’u hanoin ema ida ne’ebé bele loke dalan ita atu halo natar maka FRETILIN”, hateten nia.

Maibé, Marí Alkatiri sei fila ba ukun bainhira fó votu ba FRETILIN sai husi ne’e fila ba ema fila-fali ba imi nia fatin tama ba uma ida-idak hateten ba sira programa ida ne’ebé hotu-hotu servisu durante tinan rua maibé susar liu tanba ne’e mai vota ba FRETILIN atu nune’e governu FRETILIN ne’ebé sai husi eleisaun antesipada bele fó moris ba ita agrikutor sira.

Cristina Ximenes | Independente