Familia La Sama Kontinua Firme ho PD

AINARO: Familia Saudoso La Sama, Bernabe (hanesan Maun ba Saudoso La Sama) hato’o nia deklarasaun no liamenon ba Militantes no apoiante sira hodi hataan rumoris ne’ebé espalla iha públiku katak familia La Sama afilia ona ba Partido seluk.

“Ha’u sente triste oituan, tanba se mak atu ba karik, dehan ha’u mak ba, labele dehan familia maka ba, ha’u la konkorda no familia la konkorda, ha’u seidauk delega ema ida lori familia nia naran hodi ba tebele ba A no tabele ba B, tanba ne’e nia husu ba inanaman sira hotu atu brani hanesan PD nafatin no lalika tauk iha dia 12 de Maio 2018 Vota ba PD,” dehan Bernabe.

“Ita mak PD, mate ho PD, nune’e karik ba ema balun, companheiro balun, hakarak ba nebe’e please, silahkan mas labele lori naran partido, no naran familia. “ Familia hau mak sei iha ne’e hela no familia tomak iha ainaro tomak mak iha ne’e hela, la lori PD ba fa’an”.

Bernabe dehan La Sama mak mate maibé familia la mate, mate ema ida de’it, ema rihun ida mosu iha PD. Tanba ne’e nia husu inan-aman sira, husik ba ema ida mak la’o sala tiha, ema atus ida labele lakon ho ema ida de’it, no tenke iha prinsipiu katak ba o Timor, Maubere oan pontu servi.

Entertantu Prezidente Partido Democratico, Mariano  ASSANAMI Sabino fó sasin ba povu Ainaro no ba jerasaun foun Timor-Leste tomak katak " La Sama ne’e lider ida nebe’e que simples, La Sama kesi nia an ba Inan no Aman sira iha Oequse-Tutuala, La Sama la kesi malu ho ami nudar lider maibe nudar Maun alin” nia kontinua dehan katak La Sama mak kontinua servisu to’o mate, moris nudar aktivista, hanoin nudar estadista, hanoin ba Nasaun e mate ba libertasuan Povu”.

Tanba ne’e se mak ko’alia kona ba PD no La Sama ne’e buat rua nebe’e labele haketak ba malu “Hau la mai iha ne’e atu kore buat nebe’e La Sama kesi, maibe se imi kore-an rasik, imi mak sei responsabiliza ba La Sama”. Deklara Assanami.

Iha durante kampanha ne’e Familia hato’o sira nia liafuan nebe’e hakerek iha spanduk katak “ Familia La Sama fo apoio ba Partido Democrativo hodi kontinua Lasama nia Obra”.

Partido Democratico ho Numeru sorteio rua – 2 halo kampanha ba loron da-neen iha Munispio Ainaro (Suku Casa), kampanha ne’e hetan partisipasaun husi strutura Conselhu Lideransa Nasional Partido Democratico, Prezidente PD, Comp. Mariano “Assanami” Sabino, Secretario Jeral PD, Comp. Antonio da Conceicao “ KALOHAN”, Prezidente Conselho Politiku Nasional (CPN), Adriano do Nascimento "Loromau", inklui strutura PD minisipio Ainaro to’o aldeia.

José Santo Amaral | Independente