DILI: Prezidente Repúblika,
Francisco Guterres Lú Olo fó atensaun ba partidu politiku sira atu diskute ho
seriedade ba futuru rai ida ne’e nian, labele halo deturbasaun ba istória no
hakleuk pasadu.
Tanba tempu too ona atu diskute
programa, programa ne’ebé responde ba nesesidade povu nian, bee moos,
edukasaun, eskola ho kualidade, saúde, ospitais, klínika, estrada, agrikultura
atu bele fó saúde di’ak ba povu.
“Tempu ba kampaña labele uza hodi
insulta malu, atu halo deturbasaun ba ita nia istória, atu halo kleuk ita nia
pasadu,”Prezidente Lú Olo hatoo mensajen ne’e liu husi komunikadu imprensa
ne’ebé diariu ne’e asesu iha Palacio Prezidensial Nicolau Lobatu, Bairru-Pite
Dili iha Segunda (23/04).
Aman ba povu ne’e dehan, povu
sira hakarak rona ideias, lakohi rona insultus ne’ebé dirijente polítiku sira
halo ba malu.
Entertantu joventude sira hakarak
simu edukasaun husi demokrasia no debate, sira lakohi simu edukasaun husi
demagojia ka insultus tanba ne’e maka futuru ba TimorLeste nian, futuru ema
hotu nian, aprezenta liu husi programa polítiku, aprezentasaun programa sira,
nia klarifikasaun iha debate sai esensiál liu iha kampaña ida ho kualidade.
Aliende ne’e, Prezidente Reúplika
apela ba parpol sira atu respeita nafatin paktu ne’ebé dirijente polítiku sira
asina ona.
Respeitu mós ba adversáriu
polítiku, liuliu respeita povu, veteranu sira fó ezemplu ida boot
tebe-tebes ho kualidade morais ne’ebé as tebe-tebes.
“Veteranu sira maka sai fontes
inspirasaun ba ita hotu bele kontinua sai ezemplu ba joven sira, hodi tau as
dignidade pasadu nian, ita nia pasadu labele haluha, ita respeita ita nia pasadu”.
Cristina Ximenes | Independente
Sem comentários:
Enviar um comentário