quarta-feira, 25 de abril de 2018

Lider Nasional Koalia La Kontrola Aan

PARTILHAR

DILI – Xefe Estadu Maior F-FDTL, Maijor Jeneral Lere Anan Timur hatete, Xanana Gusmão, Taur Matan Ruak, Ramos Horta no Marí Alkatiri hanesan figura nasionál ho lider funu maibe, sira koalia la kontrolla aan.

Tuir Xefi Estadu nee katak, situasaun kampana ba eleisaun antesipada mak lider sira dala ruma koalia liu kolen, lao loron lao kalan hanoin halo nusa maka kaer ukun,buat sira nee dala ruma koalia mos la kontrolla aan.

"Ita nia figura sira neebe hamriik iha oin, ita nia maun Xanana, Taur Matan ruak, Marí Alkatiri, Ramos Horta, sira figura nasionál. Neebe  uluk lidera ita nia funu nee maibe, agora sira lao ba kampana kolen liu mak koalia mos la kontrolla aan,” informa Lere Anan Timur ba Jornalista hafoin remata enkontru ho Prezidente Republika (PR), Francisco Guterres Lu Olo, iha Palasiu Prezidensial Nicolau Lobato Bairru Pite, Dili, Kuarta, (25/04/2018).

Tuir Lere katak, labele dehan katak ida maka halo liu, ida halo oituan no ida maka halo barak liu.

Iha parte seluk Diretur Ezekutivu Yayasan Hak, Manuel Monteiro mos husu ba lider istroriku sira atu labele insulta malu iha tempu kampana, kampana nee atu aprezenta deit programa neebe iha laos atu sura malu. 

Notisia kompletu lee iha jornal STL edisaun Kinta (26/04/2018)

Madalena Horta | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: