sexta-feira, 13 de abril de 2018

Xanana Hakarak Ukun Tan Tinan 10


Ukun tinan 10 ona seidauk too, eis Primeiru Ministru Kay Rala Xanana Gusmão hakarak ukun tan tinan 10, tanba nia fiar katak ho programa ba Planu Estratéjiku Dezenvolvimentu Nasional iha tinan 10 mai sei dezenvolve povu ho dignu.

Iha kampaña dahuluk tersa horsehik (10/4) ba partidu politiku sira hotu promete sei halo estrada husi baze too nasionál no politika edukasaun ho saúde mak sai prioridade.

Prezidenti Koligasaun Aliansa Mudansa ba Progressu (AMP), Kay Raka Xanana Gusmão deklara, AMP iha ona manual politika nasional dezenvolvimentu ba planu futuru mai. Manual programa ne'e atu hadi’a povu nia moris di’ak liutan.

"AMP iha tinan lima buka atu rekopera lakunas sira hotu ne’ebé iha tinan kotuk iha,”dehan eis Primeiru Ministru, Xanana iha Ainaro Vila, Tersa (10/4).

Xanana prontu esforsu aan tan hodi hadiak liutan kondisaun povu nian to'o tinan 10 mai rezolvidu ona.

Programa prioridade AMP nian ne’ebé atu garante fó dignu ba povu nia moris mak area saude, edukasaun, abitasaun no dezenvolvimentu rekursu umano, ekonomia, dezenvolvimento munisipal, no dezenvolvimeto area turismu ikus liu Dezenvolvimento fiziku no naun fiziku.

Tuir Xanana katak, manual politika oras ne'e dadaun ekipa servisu AMP hahú distribui ona. Tanba ne'e AMP durante fulan nen nia laran hala'o diskuti ba programa AMP nian hodi implementa iha tinan 10 mai.

Entretantu Partidu Demokratiku iha nia kampaña dahuluk iha Oekusse halo komprimisu eleitoral ba povu katak sei fó prioridade ba infraestrutura hanesan estrada liga husi baze to’o nasionál.

Tanba tuir Presidente Consellu Politika Nasional Politika CPN, Adriano Nacimento hatete, nasaun ida atu dezenvove aan hodi hansa’e kresimentu ekonomia iha rai laran presija infraestrutura ne’ebé di’ak.

Iha fatin hanesan Presidente Partidu Demokratiku,Mariano Assanami reforsa tan katak presiza halo Estrada liga husi baze too nasionál tanba povu sira bele lori nia produtu lokal ba merkadu munisipal to’o nasional.

Nia hatutan, kuandu infraestrutura estrada iha teritoriu laran tomak PD kompromete sei investe iha setór transportasaun teréstre, maritima no aero atu nune’e bele fasilita povu hodi hadi’a nia ekonomia.

Assanami hatete, ohin loron infraestrutura estrada, portu, no aeroportu hahú dezenvolve ona maibé sedauk di’ak tanba ne’e presija povu nia konfiansa votus atu nune’e PD bele harmoniza setor importante ne’e.

Aliende ne’e, PD promete iha nia ukun dahuluk nian sei dezenvolve setór edukasaun.

Iha Munisipiu Manatuto, partidu FRETILIN mós halo komprimisu fó prioridade ba polítika edukasaun hó saúde tanba.

Sekretáriu Jerál FRETILIN, Mari Alkatiri esplikan fó prioridade ba setór edukasaun no saúde tanba, durante ne’e médiku sira halo servisu iha suku hó komunidade sira, maibé laiha médiku ka pesoal saúde sira atu hela.

Nune’e mós, iha eskola barak mak estudante sira kontinua tuur iha rai hodi partisipa iha prosesu aprendizazen durante aula.

“Primeiru governu halo esforsu tomak haruka povu nia oan ba estuda sai doutor, agora ita nia doutor rihun ida resin maioria povu nia oan, edukasaun mós hanesan ne’e, ba eskola la’os atu tur iha rai rona mestri atu ko’alia tenki iha kondisaun iha meza no kadeira,”hateten Alkatiri.

Tuir observasaun diario ne’e katak situasaun ba kampana loron dahuluk hakmatek. Kampaña partidu politiku sira hala’o tuir orariu no horas. 

Independente

Sem comentários: