Ezekusaun orsamental hosi kotna
públika timoroan nian maka 67,7% iha fulan haat dahuluk tinan ne'e nian,
haktuir hosi informasaun ne'ebé publika iha Portal Transparénsia Governu
Timor-Leste nian.
Portal ne'e hatudu katak gasta
ona dolar millaun 282,4 (besik euro millaun 234) entre fulan-Janeiru ho
fulan-Abril nia rohan.
Informasaun hosi Ministériu
Finansa timoroan nian konfirma ona "apertu" hosi konta públika dezde
inísiu tinan ne'e, ho ezekutivu servisu iha rejimi duodésimu ne'ebé sei aplika
durante fulan barak nia laran, to'o harii Governu foun ida no aprovasaun ba
orsamentu.
Iha média, no tuir lei
orsamental, iha orsamentu hamutuk dolar millaun 439,66 ba fulan haat dahuluk
tinan nian, ekivale ba média ida millaun 110 fulan-fulan.
Hosi valor ne'e, ezekuta ona osan
besik dolar millaun 282,41 ka millaun 70,6 resin fulan-fulan.
Timor-Leste, agora daudaun, iha
hela períudu kampaña nian ba eleisaun lejisltivu antesipadu, marka ba loron 12
Maiu, ne'ebé hosi votasaun ne'e sei sai kompozisaun foun ba Parlamentu Nasional
no nune'e sei hetan Governu foun ida.
Ezekutivu ne'e, sei sai hanesan
Governu konstitusional daualuk, sei aprova Orsamentu Jeral Estadu nian ba tinan
2018, ne'ebé nia impaktu sei sente de'it iha trimestre ikus tinan nian, nune'e
mós hanesan konta públika ba tinan 2019.
SAPO TL ho Lusa
Sem comentários:
Enviar um comentário