Prezidénsia timoroan hatete katak Tribunal Rekursu konfirma kumprimentu Konstituisaun

Prezidénsia timoroan hatete, iha loron-kuarta, katak desizaun hosi Tribunal Rekursu, ne'ebé divulga agora, konfirma katak xefe Estadu kumpri ona "ho di'ak tebes" dever konstitusional sira bainhira desidi sobu Parlamentu Nasional. 

Iha kauza maka kesar ida ne'ebé maka halo hosi Provedor Direitu Ema nian no Justisa (PDHJ) ba Tribunal Rekursu ne'ebé husu fiskalizasaun abstratu hosi konstitusionalidade hosi dekretu 5/2018, ho baze ne'ebé maka Prezidente timoroan, Francisco Guterres Lu-Olo, uza hodi sobu Parlamentu Nasional.

"Iha loron 23 Abril 2018, grupu hosi juís sira hosi Tribunal Rekursu desidi ona katak rekerimentu hosi PDHJ hodi husu deklarasaun inkonstitusionalidade hosi dekretu ne'ebé sobu Parlamentu Nasional, hanesan la tuir lójika ka laiha razaun ida", deklara hosi xefe Uma Sivil hosi Prezidénsia timoroan, Francisco Maria de Vasconcelos.

Responsável indika ona katak desizaun ne'e simu ona iha loron-sesta liubá iha Prezidénsia.

"Nune'e, Prezidente Repúblika kumpri ona no kumpri ho di'ak tebes nia dever konstitusional sira bainhira desidi ona, tuir nia kompeténsia, hodi sobu PN", nia subliña.

Xefe Uma Sivil lembra katak "desizaun hosi Tribunal Rekursu hanesan sujeitu ba ema tomak" no hatutan ona katak "Prezidente Repúblika hein hosi órgaun sira seluk rigor hanesan hodi kumpri Konstituisaun no lei sira" nasaun nian.

PDHJ nia kesar halo ho baze iha kesar dahuluk ne'ebé aprezenta ba hosi sidadaun na'in 16 ba organizmu ne'ebé entende katak dekretu hodi halo disolusaun laiha fundamentu legal.

Iha kesar, PDHJ "asumi ona" katak dekretu disolusaun parlamentar nian "hanesan la tuir konstituisaun tanba laiha fundamentu", maibé "la aprezenta prosesu, matéria ka direitu".

Francisco Guterres Lu-Olo sobu ona Parlamentu Nasional hodi rezolve problema polítika ne'ebé maka Timor-Leste hasoru iha fulan barak nia laran, ho Governu minoritáriu ida no opozisaun blokeia programa ho orsamentu Governu nian.

Eleisaun sira marka ona ba loron 12 Maiu no kampaña hala'o to'o loron 09 Maiu.

SAPO TL ho Lusa