DILI, (TATOLI) - Loron dahuluk
iha servisu nu’udar Primeiru Ministru ba oitavu governu, Taur Matan Ruak, to’o
iha Palásiu iha tuku 07H45.
Taur Matan Ruak Segunda-Feira
ohin hahú hala’o kna’ar iha Palasiu Governu, nu’udar Primeiru Ministru ba
VIII Governu Konstitusionál, hafoin simu posse iha Sesta-Feira semana kotuk.
Primeiru Ministru to’o iha
Palásiu Governu iha oras 07H45 OTL, simu direta hosi Sekretáriu Estadu sesante
Konsellu Ministru no Komunikasaun Sosiál, Matias Freitas Boavida akompaña hosi
funsionáriu Gabinete Primeiru Ministru nian, ho tara tais ba Xefe Governu, no
entrega mós relatóriu serbisu VII Governu nian.
Hafoin ne’e, Xefe Governu kontinua
nia kna’ar iha eskritóriu hodi simu Funsionáriu kargus xefia sira iha Gabinete
Primeiru Ministru nian, no iha parte lokraik kontinua hala’o enkontru dahuluk
ho membrus Governu foun sira.
Jornalista: Julia Chatarina | Editór:
Manuel Pinto
Imajen: Primeiru Ministru, Taur
Matan Ruak prezide reuniaun iha Konsellu Ministru.
Sem comentários:
Enviar um comentário