DILI - Deputadu sira husi bankada
AMP (CNRT, PLP, Khunto, Frente Mundansa no UDTL), labele agrogansia ho maioria
iha Parlamentu Nasional, hodi disvaloriza deklarasaun ou hanoin husi Primeiru
Ministru Taur Matan Ruak, nian konaba konsensu ou dialogu hodi hakotu
impase politika iha rai laran.
Kestaun nee hato husi deputadu
Adriano do Nascimento, ba STL iha PN, Dili, Sesta ( 25/01/2019),
deputadu Adriano hatete, Primeiru Ministru Taur Matan Ruak nee laos Primeiru
Ministru deit, maibe nia nee lider nasional, lider istoriku neebe ke sira
mak diriji Timor oan hotu hotu para Timor nee ukun aan.
Agora dadauk nia mak kaer governu
hodi dezenvolve rai ida nee, tanba nee apresia teb-tebes PM neebe ke hatete
nakloke ba dialogu ou konsensus maibe kestaun ba politiku sira neebe mak mak
tur iha PN nee oinsa mak atu internaliza, oinsa mak atu tau asaun politika iha
PN katak deputadu sira iha oposizaun ho governu nee bele kolia ba malu ida nee
mak importante.
“Ita fiar sira nee mesak
Lider Nasional, lider istoriku sira iha boa fe atu hakotu impase nee sira mos
iha preokupasaun ba impase politika ida nee. Maibe agora depende ba deputadu
sira iha PN tanba deputadu sira mos sei kolia konaba orsamentu neebe PR veta,
se deputadu sira iha PN nee mak mai ho arogansia maioria, maioria deit nee
signifika disvaloriza pensamentu PM ninian, disvaloris hanoin ka vontade PM
nian, tanba PM deklara publikamente katak atu kolia ba malu buka
Konsensus ,” dehan deputadu Adriano.
Nia dehan, Primeiru Ministru
deklara ona ba publika neebe deputadu AMP sira mak lakoi fali nee labele, tanba
deputadu AMP sira tenke hatur ona lia fuan ou hanoin diak husi PM nian. Para
mai iha PN nee hotu hotu kolia ba malu, tanba lider nasional kolia
hanesan nee, maibe se AMP lakoi rona nee depois mak hare.
Notisia kompletu lee iha jornal
STL edisaun Sigunda (28/01/2019)
Carme Ximenes | Suara Timor
Lorosae
Sem comentários:
Enviar um comentário