Veta OJE, Dom Virgilio: Iha Kauza Seluk

DILI - Bispu Dioseze  Dili, Dom  Virgilio  do Carmo da Silva  SDB, hatete, koalia konaba OJE  2019,  problema iha kotuk, husu ba nai ulun sira, buka tetu  atu nunee bele buka solusaun, ba  problema nee, kuandu  problema iha kotuk, sempre iha kauza  ba veta.

“Parte ida mos haud hanoin, buat hirak nee hotu, hanoin husu mos ba ita nian aan, dehan katak, saida los mak iha kotuk, ba buat hirak nee nian, hau hanoin, laos  deit  ita koalia konaba OJE  2019 ninia, hanoin  iha buat ruma  iha kotuk, hau hanoin problema iha kotuk, nee duni, ita nian nai ulun sira, buka tetu, hanoin ida, atu nunee bele buka solusaun  problema nee, kuandu  problema iha kotuk, neebe  sempre iha kauza  ba veta, buat sira nee hotu, hau hanoin iha buat ruma, neebe hau hanoin, ita presiza atu haree duni ba laran, haree ba diak, atu nunee  bele hadia, buat neebe karik seidauk los, no diak, nee duni, tenke hadia  uluk ninia kauza ruma, bainhira  iha ona  dialogu, iha ona unidade ida, entre ita nian nai ulun sira, hau hanoin, bainhira tetu  ba nasaun nian diak, sempre ema hotu hakarak. Hau nian hanoin, laos  problema ba orsamentu deit, agora  saida  mak ninia kontiua kauza, dada  ita nian impase politika nee, naruk hanesan nee, mais ou menus iha kauza ruma,” hatete  bispu Dioseze  Dili  Dom  Virgilio  ba  jornalista  hafoin prezide misa  agradesementu  ano letivu  foun  2019 iha igreja katedral  Dili  Sesta  (25/01/2019).

Dom Virgilio, akresenta, nee duni, prezidente haree, no haruka fila-fali ba  PN, atu estuda, laos dehan taka ona, maibe sei iha posibilidade ida, tanba  koalia konaba  nasaun demokratiku dehan , sei iha buat ruma, neebe presiza hadia melora, entrega fila-fali ba orgaun neebe halo ida nee, sira nian responsabilidade, atu estuda, konsidera fila-fali,  hein katak, ho pedidu ou ejizensia sira neebe PR ninia nee, bele hatama iha laran. 

Notisia kompletu lee iha jornal STL edisaun Sigunda (28/01/2019)  

Jacinta  Sequeira | Suara Timor Lorosae