Parlamentu timoroan hahú debate orsamentu vetadu hosi PR iha semana oin

Parlamentu Nasional timoroan hahú apresia fali iha semana oin Orsamentu Jeral Estadu nian (OJE) ba tinan 2019, ne'ebé veta tiha hosi Prezidente Republika, iha prosesu ne'ebé "lalais", konfirma prezidente órgaun soberania nian ba Lusa.

"Iha reuniaun loron-sesta nian ne'e hamutuk ho lider sira bankada nian ami fixa kalendariu ba reapresiasaun hodi hahú iha loron 31" hatete Arão Noé Amaral ba Lusa.

"Iha altura ne'e bele iha opsaun rua: konfirmasaun ba votu ka proposta alterasaun. Konfirmasaun ka eventual proposta alterasaun nian depende ba deputadu no bankada sira", nia esplika.

Arão Noé Amaral hatete katak se karik konfirmasaun prosesu ne'e bele dura de'it loron ida, ho bankada ida-idak iha de'it direitu ba intervensaun ida no tuir kedan votasaun global foun ida ba diploma ne'ee - opsaun ne'ebé maka ejiji 2/3 hosi deputadu sira ne'ebé prezente - ne'ebé maka sei haruka fali ba xefe Estadu.

Iha senariu ne'e Prezidente Republika, Francisco Guterres Lu-Olo, obrigatoriamente tenki promulga iha periodu loron ualu nian laran.

"Se iha alterasaun, depende ba proposta ne'ebé maka deputadu sira submete, bele dura loron ida ka rua. Se proposta sira konsiderada no votada no aprovada, OJE ne'e ba fali Komisaun C hodi halo redasaun final no haruka ba señor Prezidente Republika", nia esplika.

Iha kazu daruak nian lei sei konsidera katak ne'e konabá OJE foun ida ne'ebé maka, presiza de'it aprovasaun hosi maioria simple, ne'ebé maka Prezidente sei iha fali loron 30 hodi apresia no bele ezerse ninian direitu vetu nian.

Bankada tolu Aliansa Mudansa ba Progresu (AMP), koligasaun Governu nian, sei analiza iha loron hira oinmai sira nian pozisaun koanbá vetu prezidensial ne'e.

Iha mensajen ne'ebé haruka ba parlamentu, Lu-Olo husu fali "apresiasaun parlamentar ne'ebé maka bele konsidera utilizasaun justa, ekilibrada no sustentavel no efisiente ba rekursu finanseiru sira ne'ebé maka Estadu no Povu Timor-Leste nian fó satisfasaun ba sira nian nesesidade esensial sira no kresimentu no dezenvolvimentu nasional".

Hodi justifika desizaun ne'ebé komunika hosi xefe Casa Sivil nian, Francisco Vasconselos, Lu-Olo kestiona "insustentabilidade agravada OJE 2019 nian" tanba adota politika ekonomika no finanseira ne'ebé asenta iha "orientasaun ida ne'ebé kontrariu ho Konstituisaun no lei estruturante sira", "dezekilibriu orsamental ne'ebé ass" no falta politika alternativa sira.

SAPO TL ho Lusa