Politizasaun hosi relijiaun iha Indonézia hamosu kesar barak ba blasfémia

Aumentu hosi politizasaun relijiaun nian iha Indonézia no kombate ba diskursu sira ódiu nian hanesan fatór prinsipal ne'ebé kontribui hodi aumenta maka'as iha númeru hosi kesar sira iha kazu sira blasfémia nian, haktuir hosi organizasaun ida ne'ebé ho sede iha Jakarta.

Visi-prezidente hosi Institutu Setara hosi Demokrasia no Paz, Bogar Tigor Naipospos, hatete iha loron-kinta ne'e ba jornalista sira katak iha tinan liubá númeru hosi kesar sira kona-ba blasfémia aumenta maka'as ba 25, kompara ho tinan 2017 ne'ebé iha de'it kesar sia.

"Uzu relijiaun ne'e hanesan dalan ida iha polítika hanesan fatór prinsipal", nia hatete hodi refere katak durante tinan barak nia laran, no dezde lei blasfémia nian hahú hala'o iha tinan 1965, maka rejista de'it kazu ida ka rua.

"Bainhira propaganda [iha liña étniku sira ho relijiozu sira] kontinua no politizasaun hosi relijiaun uza ona hosi partidu polítiku konkorente sira, ita haree saida maka ita hanaran jerasaun denunsiante, ho akuzasaun sira blasfémia nian, hodi halakon sira nia oponente polítiku", nia hatete.

Entre kazu sira ne'ebé sériu liu, destaka kazu Meliana nian, feto budista ida ne'ebé iha fulan-Agostu tinan liubá hetan julgamentu no kondena ba kadeia fulan 18 iha Medan, norte Sumatra nian, tanba kesar katak lian hosi altifalante sira, hosi meskita ida, hanesan aas tebes.

Hodi hatán ba nia deklarasaun sira, grupu islámiku lokal sira ataka ona nia uma no tempu budista oioin.

Esplikasaun hosi Naipopos, ne'ebé haktuir hosi empreza indonéziu, katak uzu ne'ebé laloos hosi lei blasfémia nian maka kontribui ba aumentu hosi kesar sira.

Ne'e tau hamutuk ho Lei Eletróniku tinan 2016 nian ne'ebé bandu divulgasaun hosi diskursu ódiu nian hasoru grupu étniku sira, relijiaun sira ho rasa sira, no ne'ebé "iha mós papel importante ida hodi provoka akuzasaun sira blasfémia nian", nia hatutan.

"Lei rua ne'e baibain uza hodi kastigu ema sira seluk", nia hatutan.

Kazu ida ne'ebé kontribui ona ba aumentu ne'e maka kazu hosi eis-governador kristaun Jakarta, Basuki Tjahaja Purnama, ne'ebé koñesidu liu ho naran Ahok, ne'ebé hafoin protestu sira hsoi ema millaun resin, hetan kondenasaun kadeia tinan rua tanba blasfémia.

Nia kondenasaun, ne'ebé hetan protestu maka'as hosi grupu sira direitu ema nian, konsidera hanesan pontu virajen ida iha kestaun kona-ba toleránsia relijiozu iha Indonézia.

Ahok hetan kondenasaun hafoin komentáriu sira ne'ebé nia halo durante kampaña ba nia re-eleisaun, maibé hetan ona falsifikasaun, hodi sujere katak nia halo insultu ida hasoru Koraun no la'ós ba líder relijiozu konservador sira ne'ebé maka haktuir livru.

Lusa | Iha Sapo TL