DILI, (TATOLI) - Eis Komandante
Polísia Munisípiu Dili, Superintendente Xefe Pedro Belo, sei asume kargu
konfiansa foun nu’udar komandante operasaun nasionál ho responsabilidade no
lealdade ba komandu.
Superintendente Xefe Pedro Belo,
simu fiar ba knar foun ne’e husi Komandante Jerál Polisia Nasionál Timor-Leste
(PNTL), Komisáriu Faustino da Costa ho Adjuntu Komisáriu Mateus Fernandes, atu
apoia malu iha ierarkia komandu nian hodi dezenvolve instituisaun PNTL, liuliu
garante estabilidade nasaun no povu.
Pedro Belo hateten, nia orgullu
ho knar foun ne’e, maske nia hatene hela katak knar ne’e sei liu husi dezafiu
no ambiente foun. “Ha’u kontente para atu hala’o servisu ida ne’e, ha’u fiar
katak servisu ida ne’e la’ós ha’u mesak, maibé ho ekipa tomak iha área
responsabilidade ha’u nian iha departamentu haat”, hateten Pedro Belo ba
Jornalista sira, horiseik, iha Kuartél Jerál PNTL, Caikoli, Dili.
Eis Komandante Polísia Munisípiu
Dili ne’e dehan, komunga prinsípiu ida maka tenke prontu atu ezekuta kualkér
desizaun husi superior sira. Tanba nia hatutan, lisaun midar no moruk lubuk ida
maka hetan bainhira komanda iha Dili durante tinan 12 tanba hetan liafuan mal
trata no ameasa husi sidadaun relasiona ho intervensaun seguransa ba asegura
pás iha kapitál nasaun.
Kona-ba implementasaun planu
Komisáriu foun na’in rua atu atu asegura seguransa ba sidadaun hodi halo
movimentasaun oras 24 iha kapitál Dili, Pedro Belo, apresia no apoiu total
planu ne’e.
Jornalista: Agapito dos Santos | Editór:
Francisco Simões
Imajen: Komandante Operasaun
Nasionál, Superintendente Xefe Pedro Belo. Imajen/ Egas Cristovão
Sem comentários:
Enviar um comentário