Responsável sira hosi Grupu
Serbisu Timor-Leste, Indonézia ho Austrália (TIA-GT) dezenvolve hela
projetu-pilotu sira pekuáriu transfronteirisu no promosaun hamutuk hosi turizmu
iha illa Timor, informa hosi komunikadu iha loron-kinta ne'e.
Projetu sira ne'e debate tiha
ona, iha fulan-Marsu nia rohan, iha enkontru alargadu ida ne'ebé maka partisipa
hosi responsável sira hosi TIA-GT, ho visi-prezidente ba Jestaun hosi
Koñesimentu hosi Banku Aziátiku ba Dezenvolvimentu (BAD) no hosi responsável ba
GRupu Temátiku ba Área Koperasaun Rejional no Integrasaun.
Iha reuniaun, ne'ebé permiti
avansa ona iha preparasaun hosi projetu sira, partisipa mós hosi "kuadru
ho dirijente importante sira" hosi administrasaun públika, hosi área
privadu sira no hosi universidade sira.
Inisiativu n'e halo parte iha
Koredor Ekonómiku Transversal iha illa Timor, ne'ebé hakarak "halibur
nasaun rua no kria oportunidade sira ba dezenvolvimentu ida integradu no
sustenta iha metade rua", esplika hosi promotor sira.
Projetu sira ne'ebé "sei fó
benefísiu sira ba populasaun Timor-Leste nian no Timor Osidental", sira
hatutan.
Iha reuniaun, ADB "hato'o
apoiu ba konkluzaun hosi inisiativu oioin ne'ebé lansa tiha ona hosi Unidade
Misaun TIA-GT nian, nune'e móshosi Grupu Serbisu Trilateral nian" ne'ebé
dezenvolve hela ona.
Entre projetu sira ne'ebé hala'o
hela, iha inisiativu hodi hakiak karau, bioseguransa ho kontrolu no prevensaun
ba moras sira no, iha turizmu, promosaun hamutuk no lansamentu hosi marka
ne'ebé fahe ba rejiaun.
Iha mós projetu sira ne'ebé
hakarak "fasilita prosedimentu sira hosi movimentu tráfiku ema sira nian,
karreta sira no sasán sira" no reforsa no halo sai fásil "ligasaun
aéreu efisiente ho folin ne'ebé populasaun bele iha asesu".
Apoiu hosi ADB sei formaliza iha
memorandu entendimentu ida ne'ebé sei hakotu ho Governu timoroan nian iha tempu
badak.
TIA-GT hakarak avansa iha
kriasaun hosi sinerjia sira iha fatin rejional triangular ne'e, liuliu iha área
ekonómiku.
Lusa | Iha Sapo TL
Sem comentários:
Enviar um comentário