sábado, 18 de maio de 2019

Timor-Leste sei lansa estudu ambiental hodi avalia impaktu hosi portu sira iha mangal sira

PARTILHAR

Governu Timor-Leste sei promove estudu ambiental ida hodi avalia impaktu hosi konstrusaun portuáriu sira iha mangal sira no iha tasi, hatete hosi ministru timoroan ba Transporte ho Komunikasaun, José Agustinho da Silva, iha loron-sesta ne'e.

Responsável timoroan, ne'ebé ko'alia iha enkontru Oceans Meeting, iha Lisboa, salienta empeñu hosi nia governu iha dezenvolvimentu portuáriu hodi "impulsiona nasaun iha ekonomia" maibé garanti mós katak sei hanoin mós kestaun ambiental sira.

"Governu sei halo estudu ambiental ida hodi evita afeta mangal sira no tasi iha nível jeral. Ami iha lei sira ne'ebé rigorozu tebes ba ambiente no mós ami fó atensaun maka'as ba transporte hosi matéria perigozu sira", nia subliña. Petróleu hanesan produtu prinsipal ne'ebé maka esporta hosi nasaun.

Planu hosi dezenvolvimentu estratéjiku hosi governu timoroan haree ba konstrusaun hosi infraestrutura portuáriu oioin durante tinan sanulu nia laran liuhosi parseria públiku-privadu sira.

Sei hanesan "zona portuáriu ho utilizasaun oioin" ho kapasidade hodi simu karga to'o tonelada millaun ida tinan-tinan no adapta ba transporte sira merkadoria nian no pasajeiru sira, peska sira ho turizmu.

"Ami hakarak sai hanesan pontu entrada ida ba indústria petrolíferu no ba objetivu sira seluk ho área lojístiku sira ho instalasaun turístiku sira", hatutan hosi Agustinho da Silva.

Portu Tibar, besik iha kapital timoroan, Díli, hanesan projetu boot dahuluk iha modelu hosi parseria públiku-privadu no projetu infraestrutura boot ne'ebé nunka akontese iha Timor-Leste.

Ho durasaun konstrusaun ne'ebé hanoin ba tinan tolu, projetu agora daudaun iha hela faze hamoos tasi nia okos, ne'ebé sei hasai rai hamutuk millaun lima metru kúbiku, antes hahú prosesu reklamasaun ba tasi hosi hektar 27 no kontrusaun hosi kais prinsipal.

Projetu iha "falsu aranke" oioin, ida dahuluk maka serimónia lansamentu ba primeira pedra ne'ebé akontese iha Juñu 2017, ho serimónia ida ne'ebé lidera hosi ministru Planeamentu no Investimentu Estratéjiku iha momentu ne'ebá, Xanana Gusmão, ho responsável sira hosi konsórsiu ne'ebé lidera hosi franseza Bolloré.

Kestaun sira ne'ebé iha relasaun ho finansiamentu, ho subkontratasaun, afeta ona inísiu hosi projetu ne'e.

Serimónia ba lansamentu primeira pedra foun ida akontese iha 30 Agostu tinan liubá, no obra sira, liutiha fulan ualu, kuaze seidauk hahú.

Lokaliza iha kilómetru 10 resin hosi oeste Díli nian, iha tasi-ibun Tibar, projetu hetan partisipasaun hosi International Finance Corporation (IFC), hosi grupu Bancku Mundial.

Faze dahuluk hosi projetu (konstrusaun, ekipamentu ho operasaun portu nian) avalia ho folin dolar millaun 278,3, ho Governu timoroan selu ho dolar millaun 129,45, no parseiru privadu selu millaun 148,85.

Iha faze daruak, bainhira tama ona esplorasaun, Bolloré kalkula investimentu besik dolar millaun 211,7, parte barak mai hosi reseita sira hosi atividade portuáriu nian.

Bolloré kontrata ona empreza públika xineza China Harbour ba konstrusaun hosi projetu ne'e.

Lusa | SAPO TL
PARTILHAR

Author: verified_user

Publicação luso-timorense sem fins lucrativos

0 comentários: