KAZU CALISTO, XANANA PRONTU SAI SASIN

DILI - Eis Primeiru Ministru Kay Rala Xanana Gusmao prontu atu sai sasin hodi fo deklarasaun ba Tribunal iha julgamentu foun kazu Calisto Gonzaga nian, neebe sei halao iha loron 30 Junu tinan nee.

Tuir defensor publiku Sergio Quintas neebe fo asistensia legal ba arguidu Calisto Gonzaga katak, nia simu informasaun husi nia fontes kredibel hatete katak Xanana Gusmao prontu atu sai sasin iha tribunal hodi fo deklarasaun kona ba kazu Calisto Gonzaga nian.

Sira disponivel atu mai hatan iha tribunal kona ba kazu Calisto nian. Informasaun neebe mak hau hetan nee husi hau nia fontes kredivel neebe hatete katak ministru Xanana pronto atu sai sasin iha julgamentu foun kazu Calisto nian iha loron 30 fulan Junu 2015 tuk 9:00 dader,” tenik Quintas.

Kona ba sasin nain tolu nee, hahu kedas iha primeira distansia tribunal hatun pena tinan sia ba arguidu Calisto, parte defesa hakarak para tribunal tenke rona deklarasaun husi sasin nain tolu nee, maibe juis mak lakohi. Tanba nee mak parte defesa hatama rekursu ba tribunal rekursu  hodi arola julgamentu foun ba kazu nee. Domingas Gomes

Suara Timor Lorosae