Delegasaun Portugal-Australia-Indonesia Vizita Komunidade Atauro

DILI - Delegasaun husi Portugal, Australia no Indonesia akompania husi Vise Ministru Estatal Tomas Cabral hamutuk administrador sira, halo vizita ba komunidade iha postu administrative Atauro, atu observa prosesu dezenvolvimentu neebe lao hela.

Tuir Vise Ministro Administrasaun Interna, Tomas Cabral katak vizita husi nasaun rua nee relasiona ho akordu neebe sira halao, tamba nee tenki halo implementasaun antes implementa iha baze.

Ita mai vizita tamba akordu kooperasaun municipiu entre rai rua nee lao tiha ona iha 2013, ita nia akordu  ho municipiu Darwin iha 2003, ita halo akordu deit la lao no ita uluk ita koalia modelo mais ita la koalia modelo ita kolia kona ba kooperasaun tamba kooperasaun iha pontu ha mak ita koalia kona ba formasun rekursu humanu,” dehan Tomas  Cabral ba Jornalista sira iha Postu Administrativu Atauro, Domingo (17/05/2015).

Iha fatin hanesan Administrador Postu Administrativu Atauro, Manecas, sente orgullu tebes no hato bemvindo ba delegasaun sira nia vizita, tamba bele halao vizita ba sira nia komunidade iha postu administrative Atauro.

Iha vizita nee delegasaun sira mos halao vizita ba iha eis komarka politika primeru gerra mundial iha Atauro. Lucia Ximenes

Suara Timor Lorosae