TINAN 2014, TURISTAS ESTRANJEIRUS KONTRIBUI ONA MILAUN $14.6

DILI - Governu Timor Leste liu hosi area turismu identifika katak viajantes ka turistas ne’ebe mai iha rai ida ne’e kontribui ona $14.600.000 (dolar milaun sanulu resin hat rihuan atus neen.  Identifikasaun ne’e mai hosi peskiza ne’ebe Asia Foundation halo hafoin hetan akordu liu hosi asina memoradu de entendimentu entre Ministeriu Turismo ho Asia Foundation iha 27 marsu 2014. Objetivu asina memorandu ne’e atu reforsa kapasidade Minisreriu Turismu nia hodi kria no uza ho efikas peskiza bazeia iha evidensia no analiza sira iha planeamentu no politika.

Hafoin periodu nian iha –ne’ebe pratika di’ak liu hosi estadu kazu pais lubuk ida no konsulta ho peritu barak, define no organiza indikador diferente liu tolunulu ba iha kestionariu estruturadu ida, no halo kodigu elektroniku ba iha interfase tablet. Hodi utiliza teknologia dijital atu rai levantamentu sira ba iha tablet, l kestiionariu levantamentu nian eziste hamutuk iha lian  lima lahanesan (Ingles, Indonezia, Portuges, Xina Mandarin, no Tetun), ho nune’e viajante sira tama kompleta ba Timor- Leste bele hetan partisipante.

Fundasaun Azia kontratu entrevistador multi-lingua nain-rua atu hala’o levantamentu iha salaun embarke Aeroportu Internasional Nicolau Lobato iha Dili. Entrevistador sira akompania hosi membru funsionariu nain-tolu hosi Diresaun Nasional Planeamentu no Dezenvolvimentu iha Ministeriu Turizmu nian, ne’ebe maka hetan treinamentu kona-ba tekniku halibur dadus no familiarizasaun kestionariu. Entrevistador sira iha knaar hodi identifika respondente validu sira hodi kompleta levantamentu auto- entrevista ne’ebe tulun hosi komputador.

Hafoin faze pilotu koleta dadus nian durante fulan Maiu, halo abordajen hodi entrevista hom total individu 1,666 ne’ebe sai hosi Timor Leste iha sala embarke aeroportu nian ba periodu semana ida kada fulan durante fulan Junu no Jullu 2014. Uza estratejia inkluzaun metodolojika ida ne’ebe determina elijibilidade respondente ida–idak nian nu’udar viajante ida  haktuir kriteria peskija nian, dedus tiha tamanu amostra final hosi respondente 710. Resposta sira ne’ebe halibur uza komputador tablet Samsung Galaxy ne’ebe dijitalmente halo agregasaun resposta ba kestionariu sira ba iha sistema online font e nakloke rekolla dadus kalohan nian, Formhub, iha ne’ebe la ho ligasaun  fiu ba interfase tablet levantamentu nian.

Uza teknolojia ida ne’e permite dadus hotu-hotu bele hetan asesu ho distansia dook hosi servisu fatin Fundasaun Azia nian. Ida ne’e permite monitorizasaun tempu real prosesu halibur dadus nian, no analiza tendensia ba objetivu kontrolu kualidade nian. Hafoin konkluzaun prosesu halibur dadus, frekuensia , tabulasaun kruzada no analiza ekonometrika ramata uza kombinasaun SPSS no software Excel. Hosi responde hirak ne’e, ema Australia ho 39%, ema Indonezia ho 16% no ema Portugal ho 9%. Maioria hosi viajante sira ne’ebe hetan entrevista identifika sira nia hela fatin atual hanesan Australia (34% ), kuaze ida hosi respondente haat dadaun ne’e hela iha Timor –Leste ( 24 %) no 15 % hela iha Indonezia.

Sira ne’ebe hela iha Australuia, 34 % no hela iha Darwin no 27 % hela iha Melbourne, no 13 % hela iha Australia ninia sidade ne’ebe ho populasaun barak teb-tebes , Sydney. Hosi respondent total ne’ebe inklui iha levantamentu, feto ho 31%, no mane ho 61 %. Kuaze metade (49%) hosi respondente sira ho idade entre tinan 25 no 44. Relativamente proporsaun ki’ikoan hosi respondente sira ho 17-24 (10%) ka ho idade 65 ba leten ( 6 % ). Respondente sira ne’ebe halo viajen mai Timor –Leste ho familia ho 41%, no respondente hirak ne’e, ne’ebe halo viajen ho labarik ho 19%. Respondente sira ne’ebe halo viajen mesk, liu datoluk ida (35 %),enkuantu respondente sira ne’ebe halo viajen nu’udar parte hosi grupu paseiu ho 4% de’it.

Proporsaun hanesan hosi respondente sira ne’ebe to’o iha Timor-Leste hosi Denpasar (42%) hanesan ho respondente sira ne’ebe to’o hosi Darwin (39%). Menus hosi respondente ida lima (16%) to’o hosi Singapura. Halo viajen ba Timor-Leste relativamente haree hanesan la iha problema, porsentu hitu de’it hosi xegada ne’ebe hato’o katak sira hasoru problema, hahu hosi problema sira ne’ebe komun liu ne’ebe hato’o maka kona-ba kustu vistu nian ( 19%), atrazu nian (10% ) no problema sira relasiona ho regulamentu imigrasaun nian ( 8%).

Bainhira husu respondente sira kona-ba destinu hosi sira nia partida ho aviaun hosi Timor-Leste, kuaze metade (49%) ba iha Denpasar. Porsentu tolunulu-resin –lima ba Darwin, no 14 % hatudu halo viajen ba Singapura. Hosi viajante sira ne’be hetan entrevista, 29% identifika periodu hela iha Timor-Leste liu fulan tolu, enkuantu 47 % hela la to’o semana rua. Maioria hosi respondente sira maka vizitante sira ne’ebe atu fila-fali, ho 60% hatudu katak sira vizita ona Timor-Leste iha tempu liuba, enkuantu 40 % hatudu sira foin vizita Timor-Leste ba dala uluk. Hosi sira-ne’ebe molok ne’e halo ona viajen ba Timor-Leste, liu metade (55%) halo ona viajen ba Timor-Leste liu dala tolu molok sira-nia viajen atual.

Hosi dokumentus nebe BT hetan katak 56% ema halo viagen mai iha Timor Leste halo servisu, reuniaon nomos relasiona ho negosio nia no hosi 34% halo viagen mai iha Timor Leste atu halo servisu inklui simu salariu, la simu salariu , servisu voluntariu, 15% halo viagen hodi halo negosiu, 7% tuir konferensia ka reuniaun no visita familia no kolega 16%. Hosi dadus seluk ne’ebe iha katak sira halo viagen mai iha Timor Leste ba aktividade sira mak hanesan istoria 37%, kultura 32%, biodiversidade apresiasaun vida selvagen 35%, snorkeling 31%, peska 13%, mergullu 12%, anventura ka pasiar ba foho 33% no bisikleta 23%.

Iha viagen ba aktividade tempu livre nian iha Timor laran tomak, distinu popular liu atu visita 47% mak Liquiça tuir mai DIli 43% inklui mos fatin seluk  tanba tuir dadus nebe iha hatudu katak Liquiça 82%, Com 43%, Baucau 43%, Hatobuilico 39%, Aileu 39%, Ilha Jaco 38%, Manatutu 36%, Atauro 35%, Maliana 35%, Balibo 32%, Maubesse 31%, Maubara 30% Oecusse 14%, Manufahi 10% nomos fatin seluk 13%. (BT)

Business Timor - Pedro