Hadia Estrada, Governu Preve Orsamentu Milaun 50 Resin

DILI - Sestu governu konstitusional liu husi Ministeriu Obras publiku, Transporte no Komonikasaun iha tinan 2015 preve orsamentu miliaun 50 resin atu hadia estrada iha teritoriu timor Laran tomak, no millaun 20 hodi selu Projeitu emerjensia.

Tuir Ministru Obras Publiku, Transporte no Komonikasaun Gastao Sousa katak Pagamentu ba Emergensia governu identifika ona iha pakote 55 nebe haruka ba ona ADN atu verifika no sei lori ba Parlamentu hodi halo diskusaun iha komisaun Aventual.

Iha tinan 2015 ita preve orsamentu ba Estrada iha teritoriu timor Laran tomak iha 50 ital Miloens ba estrada tamba iha kontinuasaun projeitu Multianual no ami nia ministeriu ami iha 20 Miloens hodi revole pagamentu ba projeiru Emergensia,” dehan Gastao ba Jornalista, Kinta (11/06/2015) iha Palasiu Prezidensial Nicolao Lobato.

Nia hatete Governu ho Parlamentu konkorda ona sei selu projeitu sira nebe maka kualidade iha no oras nee ADN verifika hela, hodi lori ba parlamentu no konseilu Ministru Aprova atu bele selu, hein katak sei selu iha tinan ne nia laran.

Iha fatin ketak Deputadu Bankada CNRT Cesar valente hatete kondisaun estrada iha area rural barak maka kontinua Aat nafatin, no orsamentu atu selu projeitu emerjensia sei tama iha parlamentu hodi halo diskusaun. Informasaun kompletu iha STL Jornal no STL Web, edisaun Sesta (12/6/2015). Timotio Gusmao

Suara Timor Lorosae