SERVISU EKIPA, SINAL DI’AK BA KURA MORAS MAL-KOORDENASAUN

Ivo J. dos Santos Cancio - opiniaun

Konsolasaun Primeiru Ministru Rui Araújo [PM Rui] nian wainhira deklara susesu prinsipaldahuluk iha “100 Dias VI Governu Konstitusional”nia servisu mak ‘…Timoroan sira bele servisu hamutuk iha ekipa, independentemente husi sira-nia konviksaun politika….’Kompara ho tinan hirak ba kotuk, persepsaun jeralne’e rejista pasu positivu tamba PM Ruiho ekipadetektano alevia daudaun virus ‘mal-koordenasaun’nebetinan barak afekta prosesu implementasaun programa Estadu nian. Programa barak uluk la’o kudeuk, hakat neneik, paralizaduno konstraksitamba virus ne’e atake Timoroan sira iha nivel altu no baziku nia ain-uat, ruin-kotuk no rins nebé komplika sira atula’o ba malu no turkleur oituan dadalia oinsa bele servisu hamutuk hanesan ekipa no koordenaservisu horizontalmente no vertikalmente.

Tan ne’e, atinjimentu ne’e signifikativutebes ba governasaun PM Rui nian iha faze seluk tuir mai. Ida,PM Ruinia lideransa no jestaun beleorienta no jere ona diferensias entre lider partidu nebé notabene kaer mos kargu iha Governu.Sira ne’e Timoroan nebé hatudu daudaun kapasidade no vontade atu servisu iha ekipa.Rua, lider partidu sira explisitamente bele rekunhese no demonstraona konfiansa ba PM Rui.Ne’e bele hamenus preokupasaun ema balun nian nebé hanoin ‘jerasaun foun’ moris ho mental fraksaun ka divizaun.Tolu, PM Rui bele aseguraona baze-apoiu no arankaba oin oinsa hamosu konsolidasaunprograma no orienta inisiativas Estadu nian ba atinji Planu Estratejiku Dezenvolvimentu Nasional [PEDN].

Ne’e mak kestaun nebé IV no V Governu Konstitusional infrenta no sai pontu refleksaun iha artikel ne’e.Hau koko aprezenta kazu ho dezafius prinsipal balun iha area mal-koordenasaun nian nebé difikulta implementasaun programa iha Governu aliança nianuluk nu’udar pontu referensia. Ikus liu konklui ho sujestaun balun ba atende no resolveespesifikamente mal-koordenasaun iha Instituisaun Estadu.

Modelu Dezafius Mal-Koordenasaun

Iha IV no V Governu Konstitusional nia ukun mal-koordenasaun no menusesforsu ba realizasaun konsolidasaun programa konsideradu nu’udar dezafiu bo’ot.Mal-koordenasaun rezulta husiTimoroan sira nebé kaer ukun mai husi kualidade partidu la hanesan, la hatudu kbi’it ba kombina politikadesde inisiu oinsa operasionalizasaun programa no mos la hatudu seriedade ba analizaklean programa prioritizadu no inisiativas nebé potensia ba xoke-malu.

Iha ne’e, hau hakarak sita tipu mal-koordenasaunbalun de’it.Ministerio Ekonomia no Dezenvolvimentu iha momentu neba implementa mos projetu ida konaba fahe ró-peskas ba peskador sira nebé tuir lolos tama ba kompetensia Ministerio Agrikultura no Peskas [MAP] nian.

Nune’e mos Sekretariu Estadu Promosaun Egualidade partilha preokupasaun ho feto maluk sira, hala’o fali servisu balun nebé monu iha responsabilidade Ministerio Soliedariedade Sosial nian hodi trata asuntu apoiu sosial, partikularmente lori makina-suku nian fahe ba grupu sira nebé identifikadu vulneravel. Infelismente, tamba Primeiru Ministru Xanana lakon konfiansa ba lala’ok servisu Ministerio Obras Publika [MOP] rezulta husi inefetivdade dezempenhu dezde governasaun antes, inisia kriasaun Ajensia Dezenvolvimentu Nasional [ADN] hodi foti papel prinsipal barak husi MOPnebé afekta tebtebes relasaun komunikasaun no servisu entre organizasaun rua ne’e. AtéTimoroan sira iha MOPno ADN hafu’u malu, fo sala malu no buka halo ida-ida nia servisu seim konsultasaun no koordenasaun.

Atitude no abitu IV Governu Konstitusional lori mai to’o iha inisiu V Governu Konstitusional. Internal ministeriu, MOP hatudu oinsa diresaun sira iha Ministerio rasik la konsege koordena servisu. Diresaun Agua e Saneamento ho Diresaun Eletrisidade la koordena no konsulta malu konaba projetu ruma nebé interligadu iha implementasaun. Por ezemplu, ke’e balheta ka drainajem no kuda besi-rin ba eletrisidade. Akontese mos iha MAP, Diresaun Servisu Distrital la informadu lolos konaba desizaun balun nebé Diresaun Nasional deside ba sira. Por ezemplu, distritu propoin fini batar ho kuantidade oituan, maibe diresaun nasional haruka kuantidade nebé barak liufali agrikultor sira-nia nesesidade real. Nune’e mos entre Instituisaun Estadu. Sekretariu Estadu Politika Formasaun Profesional no Empregu [SEPFOPE] hetan titulu ‘fahi tama tos-laran’ tamba tata ai-oanpotensial sira nebé Sekretariu Estadu ba Apoiu no Promosaun Seitor Privadubuka atu haki’ak no rega. SEPFOPE mos ba dudu no loke-estrada foun iha area rural nebé konfuzu politika no estratejia MOPnian ba estrada rural.

Modelumal-koordenasaun ne’e demonstra modelu jestaun governu anterior. Maski Ministerio balun susesu ezekuta orsamentu, sira la ses husi aktus mal-koordenasaun.Kaer ba PM Rui nia mensajem katak VI Governu Konstitusional kontinua de’it saida mak V Governu Konstitusional hahu ona, importante atu nota no apriende defeitos nu’udar konsekuensia lojiku husimal-koordenasaun iha Instituisaun Estadu nia laran.

Efeitushusi Mal-Koordenasaun

Instituisaun Estadu balun dizorienta husi vizaun PEDN

PEDN mak matadalan no referensia propriu ba Instituisaun Estadu atu trasa sira-nia politika no planu programa. Maibe, iha realidade, Timoroan sira ladauk bele koordena esforsu oinsa materializa diferensia persepsaun no defini hamutuk atividades prioridade instituisaun nian ba alkansa objetivus ka tarjetus nebékonsagra ona iha PEDN. Ezemplu hatudu katak Ministerio no Sekretariu Estadu sira balun ladauk bele hahu no finaliza Planu Estratejiku instituisaun nian.Konsekuensia husi la iha planu estratejiku ne’e mak programa balun disorientadu, la efikaz, no muda ba mai tamba Timoroan sira ladauk konsege definino desidi lolos instituisaun nian ‘area negosius’ ka programa xaves ho ninia atividade prioridades hodi koresponde ba objetivuska tarjetus deskreve ona iha planu nasional ne’e.

Instituisaun Estadu balun la efetivu formulaplanu no konsolida asaun.

Institusionalmente, Estadu iha ona PEDN ho ninia matris no establese ona mekanismu koordenasaun interministerial. Maibe, iha realidade, Timoroan sira ladauk hatudu kometimentu no dixiplina ba formulahamutuk planu.Tan ne’e, iha faze implementasaun programa dalabarak nota inisiativa balun kuaze identiku maski ho label oin seluk no la iha vontade ba evita duplikasaun ka xoke malu. Ida ne’e mos implikasaun husi interese pesoal no diskonkordansia institusional ba esforsu integradu atu orienta an ba atinji vizaun PEDN. Nune’e mos falta vontade buka hatene no koordena servisu ne’e prejudika Timoroan siraatu oinsa formula planu no implementa programa ne’ebe komprehensivu ka interligado.

Defeitos hirak ne’e mosu tamba Timoroan sira, ida, la hatudu vontade ba halokoordenasaun instituisional no organizasional ho efetivu iha faze preparasaun planu.Rua, la defini ho adekuadu planu no asaun hodi orienta no integra ba prioridades nebédeskreve tiha ona iha PEDN no/ka Ministerio nia Planu Estrategiku.

Instituisaun Estadu balun inefikaz liga ba malu

Kazu temin ona iha leten hatudu oinsa Timoroan sira servisu ba interese Estadu Timor-Leste nian, maibe ladun efetivu halo ligasaunno konsultasaunresiprokal, bele iha kontestu internal ka esternal no mos vertikal no horizontal. Iha fator oi-oin kontribui ba failansu ne’e. Ida, enkontru konsultativula funsiona no akomodativuno reuniaun inter-ministerial la halao regularmente. Timoroan sira deskorajem atu partilha ka informa atividades no rezultadu servisu konsistentemente tamba la iha seriedade ba follow up rezultadu enkontru hirak ne’e inklui progresu servisu ida-ida nian,sa tan la iha minutas no relatoriu. Rua, ego-pesoal no kompetisaun la nesesariu. Ego-pesoal ne’e hamosu mos ego-departmental no ego-ministerial. Timoroan balun kaer ba nosaun katak ‘hau nia diresaun/ministerio bele halo mesak servisu seim hein diresaun/ministerioseluk’. Mentalidade ne’e mos kauza husi diferensia konviksaun politika, esperiensia no karater ema nian, no kultura ‘liurai vs atan’ nebé eziste ona tinan barak. Tolu, alerjia ho transparensia. Timoroan balun ladauk preparadu ba ema seluk atu su’u nia uma laran. Tenta halo defeza de honra ba kritika ka feedback no kontroluinformasaun tama-sai ho intensaun atu proteze an.

Ne’e mak imajem mal-koordenasaun infrenta Governu anterior nebé prejudika Timoroan sira nian orientasaun ba vizaun ida, konsolidasaun esforsu ba planu no asaun ida, no kooperasaun efetivu.

Lian Ikus ho Sujestaun

Responde ba dezafius iha leten, PM Rui, hanesan mos doutor,nia akonselamentu no preskripsaun mediku ba Timoroan sira ka Membru Governu sira seluk hahu hatudu sinal impresivu. Ida, lideres nivel altu nia dispozisaun mental atu desliga aktus ego-partidaria, ego-pesoal no mal-koordenasaun. Rua, penetra daudaun pensamentu ba Timoroan sira seluk nebé kaer ba nosaun ‘hau husi grupu A no grupu B’ atu hahu loke an ba paradigma foun, komunga pensamentu servisu hamutuk iha ekipa no tau-ses konviksaun sira nebé impede ema nia nesesidade ba koordenasaun, kooperasaun no kolaborasaun.

Apoiu esforsu ne’e, hau koko hato’o sujestaun pratikal balun ho objetivu atu promove servisu hamutuk iha ekipa no hadi’ak defeitos husi mal-koordenasaun. Sujere ba Governu atu: Ida, kontinua sustente espiritu servisu hamutuk iha ekipa no konsistentemente halakan espiritu ne’e sai abitu no kultura, liu-liu ba iha nivel baziku ka operasionalizasaun atividades. Nivel ne’e mak dalabarak dezvia no konjela prosesu dezenvolvimentu. No, ekipa idaba monitoriza no avalia impaktu husi esforsu ne’e.Rua, finaliza no/ka ajusta Ministerio nia Planu Estratejiku bazeia ba PEDN.Preparasaun dokumentu ne’e rekere kolaborasaun sistematiku no ezersisiu intelektual husi Timoroan sira, nune’esira bele sente nain ba prosesu ne’e.Tolu, formula planu no asaun nebé mai husi esforsu integrado.Inisiativa ne’e mos sei ijiji Timoroan sira atu halo esforsu koletivu no konsultasaun efetivu no konsistente inklui kumpriensaun di’ak konaba Ministerio nia Planu Estratejiku no PEDN.No mos halo estudo klean hamutuk ba preparasaun planu nune’e bele evita ka kontrolu atividades xoke-malu no naun planeadu mosu iha dalan klaran ne’ebe prejudika orsamentu estadu. Haat, produz no fahe relatoriu konaba progresu dezempenu inklui enkontru koordenasaun internalmente no esternalmente, no mos enkontru konsultativo no inter-ministerial. Se bele publiku ka sosiedade sivil bele asesu informasaun nebé tama ba interese ka ambitu publiku.***

Referensia: Enkontru iha Sentru Konvensaun Dili, 4-6 Augusto 2014, Relatoriu Diagnostiku husi SEFI ba MOP no MdS [2014], no Relatoriu Monitorizasaun SEFI ba MAP [2014].

*Hakerek nain hela iha Dili; Ex-Assesor iha SEFI ba Avaliasaun Dezempenu Institusional [Monitorizasaun no Avaliasaun], email: ivosantos2000@yahoo.com, tlf: 77841890.

Jornal Nacional