LA IHA DEKRETU LEI, INDULTU PR MOSU INJUSTIÇA

DILI - Kostitusaun Republika foo direitu prolongativu ba Prezidente Republika atu foo indultu ba Prizionerus sira, maibee durante nee dekreitu lei indultu nia la iha, neduni Prezidente Republika foo indultu la tuir dalan no mosu frakeza no injutica.

Lia hirak nee hatoo husi Direitur Ezekutivu Asosiasaun HAK Manuel Monteiro ba STL, hafoin remata seminariu komemorasaun loron internasional Meiu Ambiente, iha Hotel Novu Turismu, Kuarta (17/06/2015).

Durante nee Prezidente Republika Foo Induktu Prezudika justice, tamba povu liu-liu, ema sira neebe komete krimi kiik hein hela Prezidente nia atensaun, maibee prezidente la foo, ba ema neebe komete krimi boot, seidauk kumpri tuir lei, maibee Prezidente foo indultu, hanesa kazu sira balun neebe ita hatene laos segredu ona, kondenadu ka kondenada sira seidauk kumpri pena metade husi total pena, maibee sira livre tiha ona, nee  ita bele dehan mosu duni injustice iha ita nia rain,” hateten Monteiro.

Nia haklean tan katak tuir ema hotu nia hatene Kostitusaun Republika foo direitu prolongativu, ba Prezidente Republik atu foo perdaun ba prizoneru sira.

Iha parte seluk Direitur Ezekutivu AJAR Jose Luis hateten foo indultu nee kompetensia Prezidente Republika, tuir Kostitusaun RDTL. Informasaun kompletu iha STL Jornal no STL Web, edisaun Kinta (18/6/2015). Joao Anibal

Suara Timor Lorosae